काठमाडौँ । अहिले सुनको मूल्य रेकर्डस्तरमा बढेको छ । नेपालमा मात्रै हैन सुनको मूल्य विश्वभरि नै बढिरहेको छ । किन बढिरहेको छ सुनको मूल्य ?
असोज ३० गते नेपालमा सुनको मूल्य दुई लाख ५० हजार नौ सय रुपियाँ पुगेको छ । यता विश्वबजारमा २८.३५ ग्रामको सुनको मूल्य चार हजार एक सय अमेरिकी डलर पुगेको छ ।
अन्तर्राष्ट्रिय मिडियाले सुनको आकाशिँदो मूल्यका पछाडि तीन कारण देखाएका छन् ।
पहिलो कारण चीन र रुसमा सुनको बढ्दो मागले मूल्य बढेको बताइएको छ । पछिल्लो समयमा अमेरिकी नाकाबन्दीका कारण रुसले डलर किन्नभन्दा सुन किन्न खर्च गरिरहेको छ । चीनले पनि सुनको खरिद बढाएको छ । यिनै कारणले सुन आयात बढ्न जाँदा मसुनको मूल्य बढेको हो ।
दोस्रो कारण डलरको क्रयशक्ति घट्नुलाई लिइएको छ । डलरलाई किनेर सुरक्षित महसुस गर्नेले अहिले पहिलेजस्तो त्यसरी आफ्नो धन सुरक्षित नगरेकोले त्यसको सट्टा सुनको मूल्य बढ्न पुगेको छ ।
तेस्रो डोनाल्ड ट्रम्प नेतृत्वको अमेरिकी नीतिलाई बताइएको छ । अमेरिकी केन्द्रीय बैङ्कले पनि सुनको दाममा तलमाथि पार्ने गरेको छ । बैङ्कले ब्याजदर घटाइएकोले पनि त्यसको दबाब सुनमा परेको बताइएको छ ।
