विष्णु शर्मा (पाण्डेचरी)

देशको सरकार र प्रशासन
राज्य र नागरिकको लागि हुनुपर्छ।
जहाँ अफ्‌ठेरो परेको छ यथासिघ्र
त्यो ठाउमा पुग्नुपर्छ॥

तर जनताले अधिकार माग्दा
ताता गोली खानु परेको देखियो।
राज्यको सम्पत्ति खरानी हुदा
प्रसासनले रमिता हेरियो ॥

देशका युवालाई गोलीले भुटेर पनि
कत्ति सरकारमा पश्चाताप देखिएन।
देशमा त्यत्रो सेना भएर देश दनदनी बल्दा
एक लोटा पानी खनाएको भेटिएन॥

राष्ट्रिय सम्पतीमा आगो लगाउने पक्कै
बिदेशीका नुनका सोझा देशकै नागरिक थिए।
आन्दोलन सहयोगीको नाउमा निस्छल
जेन्जी बाबु नानी अनि देशलाई धोका दिए॥

जेन जी पुस्ताले गरेको आन्दोलनले युवाहरूमा
अन्यायको बिरुद्ध लड्ने उत्साह जागेको छ।
अहिले सम्म धेरै बगेका छन् जनताका आसु
अब देशले यसरी मुठ्ठी उठाउने जनता मागेको छ॥

जेन जी बाबु नानी हो यो
आन्दोलन ऐतिहासिक बनेको छ।
आन्दोलनका त्रुटीहरूले तिमीहरूलाई
धेरै परिपक्व र संयमी हुन भनेको छ॥

नछोड्नु कदापि देशका कर्णधार अनि
देश ध्वस्त पार्ने हत्यारा देश द्रोहीहरूलाई ।
डाडा कटाउनु पर्छ कहिल्यै नफर्कने गरि
देशमा दुर्गन्ध फैलाउने सबै फोहोरीहरूलाई ॥

बर्तमान सरकार समक्ष सङ्घीयता खारेजी अनि
प्रदेश बिघटनको मुद्दा जोडदार रुपमा उठाउनु।
सरकारले तदारुकता लिन मानेन भने
देश भरिका जनता सडकमा जुटाउनु॥

देशको संविधान बिश्वकै उत्कृष्ट छ
यसलाई हामी सबै मिली बचाउनु पर्छ।
सम्बोधन नभएका र नमिलेका बिषयमा
सम्सोधन गरेर सच्याउनु पर्छ ।

देश र जनताको पक्षमा हुने योजनामा
सदा सदा हाम्रो साथ हुनेछ ।
राष्ट्र भक्ती शक्तिहरूको एकता र एकमनताले
देश बिकासको काममा शिखर छुनेछ॥