मोहनविक्रम सिंह, महामन्त्री, नेकपा (मसाल) ##
‘युगदर्शन’ साप्ताहिकले सातौँ वर्षमा प्रवेश गर्दैछ । त्यसको अहिलेसम्मको ६ वर्षको योगदान धेरै महङ्खवपूर्ण र गौरवपूर्ण रहेको छ । नेकपा (मसाल) आगामी वर्षमा पनि त्यसको महङ्खवपूर्ण र गौरवपूर्ण भूमिकाको निरन्तरताका लागि शुभकामना प्रकट गर्दछ ।
पत्रकारिताको देशको राजनीतिसित महङ्खवपूर्ण सम्बन्ध रहेको हुन्छ । पत्रकारिताको जिम्मेवारी एकातिर देशमा चलिरहेका आन्दोलनको सही प्रतिनिधित्व गर्नु, अर्कातिर, ती आन्दोलनलाई सही दिशानिर्देश दिनु पनि हुन्छ । यो हामी सबैका लागि प्रशन्नताको कुरा हो कि ‘युगदर्शन’ ले ती दुवै प्रकारको भूमिका पूरा गर्र्दै आएको छ ।
आज देश गम्भीर प्रकारको सङ्कटको मुखमा उभिएको छ । एकातिर, प्रतिगमनको खतराका कारणले नेपाली जनताले करिब एक शताब्दीसम्म लामो र गौरवपूर्ण सङ्घर्ष वा त्याग र बलिदान गरेर प्राप्त गरेको गणतन्त्र र धर्मनिरपेक्षतामा समेत खतरा उत्पन्न भएको छ भने अर्कातिर, विभिन्न साम्राज्यवादी शक्तिको हस्तक्षेप वा अतिक्रमणका कारणले देशको सार्वभौमिकता र अखण्डतामा समेत गम्भीर खतरा उत्पन्न भएको छ ।
देशमा बढिरहेको कुशासन र भ्रष्टाचारसमेतका कारणले देशको विकास अवरुद्ध वा कुण्ठित भएको छ र जनजीवनसमेत अत्यन्त कष्टमय बन्न गएको छ । त्यस प्रकारको पृष्ठभूमिमा जनताको आवाजलाई सही दिशा र शक्ति प्रदान गर्नु अहिलेको राष्ट्रिय र ऐतिहासिक आवश्यकता भएको छ । त्यस प्रकारको राष्ट्रिय र ऐतिहासिक आवश्यकता वा आन्दोलनमा ‘युगदर्शन’ साप्ताहिकले महङ्खवपूर्ण र सशक्त प्रकारले योगदान दिँदै आएको सङ्क्षिप्त भए पनि गौरवपूर्ण इतिहास रहेको छ । हामीले आशा र कामना गर्दछौँ, आगामी दिनमा ‘युगदर्शन’ साप्ताहिकले त्यो दिशामा अरू उच्चस्तरको भूमिका खेल्दै जानेछ ।
