सुर्खेत । राष्ट्रिय जनमोर्चा प्रेदेश समिति र रक्तिम सांस्कृतिक अभियान केन्द्रीय समितिको सहकार्यमा सञ्चालित कर्णाली सांस्कृतिक अभियानको छैठौं दिन मिति २०८२ भाद्र १७ गतेका दिन सान्नी त्रिवेणी गाउँपालीकाको प्राङ्गणमा सांस्कृतिक सभाको कार्यक्रम सम्पन्न भएको छ ।
कार्यक्रममा अखिल नेपाल किसान संघका केन्द्रीय बैकल्पिक सदस्य प्रेम ठाडा, अखिल नेपाल शिक्षक संघका बरिस्ठ उपाध्यक्ष अजबहादुर गिरी, राष्ट्रिय जनमोर्चा कर्णाली प्रदेश समितिका अध्यक्ष पर्णबहादुर शाही, राष्ट्रिय जनमोर्चा केन्द्रीय समितिका सदस्य कमल बिक्रम शाही लगनयतका बक्ताहरूले मन्तब्य राख्नुभएको थियो ।
रक्तिम सांस्कृतिक अभियान कालिकोटको तर्फबाट जिल्ला कलाकारहरूले फुल फुल्छ, बढ्दै जाउ लगायतका गीतमा प्रस्तुति दिएका थिए भने रक्तिम सांस्कृतिक अभियान केन्द्रीय समितिका कलाकारहरूले संघीयता घाडो भो, किन चाहियो संघीयता, देश जान थाल्यो, तलमा पर्यो लगायतका गीतमा प्रस्तुति दिएका थिए ।
कर्णाली सांस्कृतिक अभियान अन्तरगत सान्नी त्रिबेणी गाउँपालिकामा सम्पन्न यस कार्यक्रमको सञ्चालन रक्तिम सांस्कृतिक अभियानका अध्यक्ष गिरीप्रसाद बुढाले गर्नुभएको थियो ।
