पुना (महाराष्ट्र) । मूल प्रवाह अखिल भारत नेपाली एकता समाज पुना पूर्व नगर समितिको आयोजनामा प्रगतिशिल तिजी कार्यक्रम भव्य रूपमा सम्पन्न भएको छ ।

कबिता शर्माको अध्यक्षता र दिपक अवस्थीको सञ्चालनबाट अगाडि बढेको सो कार्यक्रममा सहभागिहरूलाई केन्द्रीय सचिवालय सदस्य गोबिन्द बहादुर थापाले प्रमुख अतिथिको आसनबाट सम्बोधन गर्नुभएको थियो ।

त्यस्तै मध्य पश्चिम क्षेत्रीय समितिका सदस्य धन बहादुर बिक, पुना पूर्व नगर उपाध्यक्ष जनक भूल, सचिव अरूण ताम्रकार र कोषाध्यक्ष चक्र बिकले कार्यक्रम सफलताको शुभकामना दिनुभएको थियो ।

कार्यक्रममा विमान नगर, खराडीलगायतका क्षेत्रबाट व्यापक जनसहभागीता रहेको थियो ।