बिकानेर । भारतमा मूल प्रवाह अखिल भारत नेपाली एकता समाजले मात्रै भारतस्थित नेपालीहरूको समस्याबारे संघर्ष गर्दै आएको समाजका केन्द्रीय सल्लाहकार ठाकुर खनालले बताउनु भएको छ ।
अगस्त २६, २०२५ का दिन सम्पन्न विकानेरमा आयोजित तिजी कार्यक्रममालाई प्रमुख अतिथिको आसनबाट सम्बोधनका क्रममा सो धारणा राख्नुभएको हो ।
‘भारतमा विभिन्न खाले संगठनहरू छन् । तर उनले भारतस्थित नेपाली जनतालाई विभिन्न प्रकारले दोहन गरिरहेका छन् ।’ खनालले भन्नु भयो– ‘कसैले आर्थिक त कसैले भ्रम श्रृजना गरि सत्ता आरोहणको लागि भर्याङ्ग बनाएका छन् ।’ खनालले अहिले भारतमा नेपालीका समस्याहरू दिन प्रतिदिन बढ्दै गइरहेका छन् त्यसको समाधानका लागि लगातार आवाज उठाउँदै आएको मूल प्रवाह मात्रै भएको बताउनु भयो । ॅहामी सहि सत्य पहिचान गरी संघर्ष गर्दै सरकारलाई दबाव श्रृजना गर्न मूल प्रवाहमा आवद्व हुनुपर्ने आवश्यकता छ ।’
कमाला पाण्डेको अध्यक्षता एवं राम कुमार रसाईली र मनिसा भूलले कार्यक्रम सञ्चालन गर्नुभएको थियो । कार्यक्रममा सहभागिहरूलाई सबिता शर्मा खनालले स्वागत गर्नुभएको थियो ।
कार्यक्रममा सुदुर पश्चिमोत्तर क्षेत्रीय सदस्य राम प्रसाद पोख्रल, क्षेत्रीय महिला विभाग सदस्यहरू सविता शर्मा खनाल, सुना थापा, क्षेत्रीय जनजाति विभागबाट बल बहादुर राना, क्षेत्रीय सांस्कृतिक विभागबाट उषा बिसी, क्षेत्रीय समता विभागबाट राजु बिसी, नगर अध्यक्ष बिसाल अधिकारी, केदार टुर एण्ड ट्रावल्सका नबिन रावल, मिठ्ठु भूल, नगर संदस्यहरू लोक बहादुर थापा, भिम जैगडी, अर्जुन भूल, रानी बजार एरियाबाट निरज भूल, पटेल नगर एरियाबाट बखत सलामी मगर, गांधी नगर एरियाबाट पार्वती एसकेलगायतले अतिथि आसन ग्रहण गर्नुभएको थियो ।
सांस्कृतिक विभागका कलाकारहरू र सहभागी दिदी बहिनीहरूले गित र नृत्यहरू प्रस्तुत गर्नु भएको थियो ।
राम प्रसाद पोख्रल, राजु बिसी, बिसाल अधिकारी, लोक बहादुर थापा, भिम जैगडी, निरज भूल, बखत सलामी मगर र पार्वती एसकेले कार्यक्रम सफलताको शुभकामना दिनुभएको थियो ।
