रुपन्देही । रुपन्देहीमा क्रियाशील विभिन्न वामपन्थी पार्टीहरूको संयुक्त बैठकले २०८२ भाद्र ९ गतेका प्रधानमन्त्रीलाई रूपन्देही जिल्ला प्रशासनका प्रमुख जिल्ला अधिकारी मार्फत ज्ञापनपत्र बुझाएको छ ।
ज्ञापन पत्र भारत र चीन बीच भएको दुईपक्ष लिपुलेख पास व्यापारिक सम्झौताको खारेजी, कालापानीबाट भारतीय सैनिक फिर्ता र राष्ट्रियता सार्वभौमिकता भौगोलिक अखण्डता पक्षमा बुझाइएको हो ।
उक्त ज्ञापनपत्र बुझाउन नेकपा माओवादी केन्द्र, नेकपा मसाल, क्रान्तिकारीमा कम्युनिस्ट पार्टी नेपाल, नेपाल कम्युनिष्ट पार्टी राष्ट्रियता र नेपाल कम्युनिष्ट पार्टी एकीकृत समाजवादीका प्रतिनिधिहरू उपस्थित थिए ।
ज्ञापन पत्र बुझाउने टोलीको नेतृत्व राष्ट्रिय जनमोर्चाका जिल्ला सल्लाहकार चेतनाथ आचार्यले गर्नुभएको थियो ।
सो अवसरमा ज्ञापनपत्र बुझ्दै प्रमुख जिल्ला अधिकारी टोकराज पाण्डेले बुझाइएको ज्ञापनपत्र सम्माननीय प्रधानमन्त्री समक्ष पुर्याइदिने प्रतिबद्धता समेत जाहेर गर्नुभएको थियो ।
