भरतपुर । आगामी असोज २६ देखि २८ गतेसम्म हुन गइरहेको अखिल नेपाल जनजाति सम्मेलनको पाँचौँ राष्ट्रिय महाधिवेशनको तयारीमा चितवन जिल्ला जागेको छ ।
२०८२ भदौ ७ गते शनिबार जनजाति सम्मेलन चितवनको बैठक सम्पन्न भएर तयारीको ठोस कार्यक्रम तय भएको हो ।
केन्द्रीय अध्यक्ष निमबहादुर बुढाथोकीको उपस्थितिमा सम्पन्न सो बैठकले आगामी असोज ५ र ६ गते जिल्ला अधिवेशन सम्पन्न गर्ने निर्णय गरेको जानकारी प्राप्त भएको छ ।
जिल्ला अधिवेशनभन्दा अगाडि रत्ननगर नगरपालिकाको भदौ २० गते, कालिका नगरपालिकाको भदौ १९ गते र भरतपुर महानगरपालिकाको अधिवेशन भदौ २१ गते गर्ने निर्णय भएको बताइएको छ ।
नगर अधिवेशन सम्पन्न गर्न जिम्मेवारी बाँडफाँड गरिएको जानकारी दिइएको छ ।
त्यस्तै जिल्ला अधिवेशन सम्पन्न गर्न जितबहादुर थापा संयोजक रहनुभएको ३१ सदस्यीय आयोजक समिति गठन गरिएको छ ।
समितिको सदस्यमा लालबहादुर थापा, टिकाराम थापा, सूर्यबहादुर थापा, पदमबहादुर थापा, जङ्गबहादुर थापा, कुमारी थापा, राजु राना, नरवीर छन्त्याल, जसबहादुर थापा, वीरेन्द्र थापा, भीमबहादुर भुजेल, पुष्पा थापा, डिलबहादुर थापा, खगी मगर्नी थापा, धनमाया राना, विक्रम चौधरी, पवित्रा थापा, लालबहादुर थापा, लक्ष्मी थापा, धनसिंह थापा, डिलबहादुर थापा, इन्द्रकुमारी थापा, तिलबहादुर थापा, सीता थापा, उमेश राना, तर्कबहादुर थापा चामबहादुर भुजेल, नानीमाया तामाङ, रवि दराई र नवलसिंह थापा रहनुभएको छ ।
