भरतपुर । मिर्गौलापीडितका लागि मूल प्रवाह अखिल भारत नेपाली एकता समाजले सङ्कलन गरेको आर्थिक सहयोग पीडितलाई हस्तान्तरण गरिएको छ ।

राष्ट्रिय जनमोर्चाका केन्द्रीय सदस्य राजेन्द्र ढुङ्गानासमेतको उपस्थितिमा पीडित नवलसिंह थापाको निवासस्थानमा पुगी २०८२ साउन २९ गते बिहीबार रकम हस्तान्तरण गरिएको हो ।

पीडित नवलसिंहलाई उहाँकै निवासस्थान भरतपुर–७ विकासचोक पुगी २७ हजार पाँच रुपियाँ हस्तान्तरण गर्दा राजमो चितवनका अध्यक्ष अमरबहादुर क्षेत्री र जिल्ला समितिका सदस्य होमनाथ ज्ञावलीको पनि उपस्थिति रहेको थियो ।

मिर्गौला खराब भई चितवन मेडिकल कलेजमा डायलासिस गराइरहनुभएका नवलसिंहको सहयोगका लागि भारतको हैदरावादमा मूल प्रवाहले सहयोग सङ्कलन गरेको थियो । सोही रकम आज पीडितलाई हस्तान्तरण गरिएको हो ।