बागलुङबजार । अदै समाज नेपालको भेला सम्पन्न भएको छ । बागलुङको ढोरपाटनमा २०८२ साउन २७ गते मङ्कलबार भेला सम्पन्न भएको हो ।
अनबहादुर अदैको अध्यक्षतामा अघि बढेको उक्त भेलालाई सम्बोधन गर्दै धनबहादुर अदैले अदै जातिको भाषा, संस्कृति, संरक्षण गर्न, रीतिरिवाज र पुर्खाको इतिहास कायम गर्न, अदै जातिको पहिचान गराउनका लागि भेला आयोजना गरिएको बताउनुभयो ।
बुद्धिजीवी चकबहादुर अदैले अदै जातिको इतिहास धेरै पुरानो रहेको र यसलाई बचाउनुपर्ने कुरामा जोड दिँदै यो जाति अहिले विभिन्न थरमा बाँडिएकोले अन्यौल रहेको बताउनुभयो ।
भेलामा घमबहादुर भण्डारी र दीपक थापाले पनि शुभामना व्यक्त गर्नुभएको थियो । भेलाले धनबहादुर अदै अध्यक्ष रहनुभएको २५ सदस्यीय नेपाल अदै संघको केन्द्रीय समिति गठन गरेको छ ।
समितिको उपाध्यक्षमा सुरज अदै, टेकबहादुर अदै र चन्द्रबहादुर अदै, सचिवमा केरसिंह अदै, सहसचिवमा हिमशिखर अदै र कोषाध्यक्षमा कोपिला अदै रहनुभएको छ । त्यस्तै सदस्यमाः अन्जिशा अदै, धनबहादुर अदै, प्रेम अदै, पूर्णबहादुर अदै, चामबहादुर अदै, नरमान अदै, भरत अदै, गोपाल अदै, युवराज अदै, जित अदै, प्रमिला अदै र चिरना अदै तथा सदस्यको चार स्थान हाललाई रिक्त राखिएको छ ।
भेलाले सल्लाहकारमा चकबहादुर अदै, दीपककुमार अदै, भेगबहादुर अदै, बलु अदै, खुमबहादुर अदै, उमेश अदै, मनबहादुर अदै, दिलबहादुर अदै, गगबहादुर अदै, जेमबहादुर अदै र जङ्गबहादुर अदै रहनुभएको छ ।
भेलाले विधान लेख्ने, अदै जातिको इतिहास तयार पार्नेलगायत कामको बाँडफाँड गरिएको अध्यक्ष धनबहादुर अदैले जानकारी दिनुभयो । त्यस्तै, संघको केन्द्रीय कार्यालय ढोरपाटन नगर पालिका ७ बोबाङमा राख्ने निर्णय भएको बताइएको छ । भेलाको सञ्चालन केरसिंह अदैले र स्वागत चन्द्रबहादुर अदैले गर्नुभएको थियो ।
