तिलक थापा,बागलुङ ।
संसदमा विचाराधिन अमेरिकी सहयोग मिलेनियम च्यालेन्ज कर्पोरेशन (एमसीसी) खारेजीको माग गर्दै राष्ट्रिय जनमोर्चाले देश भर विरोध प्रदर्शन गरिरहेको छ । कोरोनाको कहरबीच राजमोलगायतका दल तथा संगठनहरुले लगातार विरोध प्रदर्शन गर्दै आएका छन् ।
सोहि क्रममा राजमो बागलुङले जिल्लाका विभिन्न स्थानमा विरोध प्रदर्शन गरिरहेको छ । बिहीबार राजमो ढोरपाटन नगर समितिको आयोजनामा बुर्तिबाङ बजारमा प्रहरी हस्तक्षेपका बावजुद विरोध कार्यक्रम सम्पन्न गरिएको छ ।
विरोध सभालाई सम्बोधन गर्दै राजमो जिल्ला सल्लाहकार गौरीश्वर पाण्डेले देशको राष्ट्रियतालाई पैसा र डलरमा साट्न नहुने भन्दै राष्ट्रघाती एमसीसी सम्झौता राष्ट्रियताको विपरीत भएकाले कुनै पनि हालतमा पारित गर्न नहुने बताउनु भयो । सरकारले राष्ट्रघाती एमसीसी सम्झौता सदनबाट पारित गर्न खोजेका भन्दै उहाँले सबै सचेत नागरिकलाई यसको बिरोधमा उत्रन आग्रह पनि गर्नु भयो ।
राजमो जिल्ला सदस्य दिपक थापा लगायतका नेताहरुले मन्तव्य राख्नु भएको कार्यक्रमको सञ्चालन दुर्गा बहादुर भण्डारीले गर्नु भएको थियो ।
यो पनि हेर्नुहोस्ः
बागलुङकाे गलकोटमा एमसीसी विरुद्ध विरोध सभा
राजमोद्वारा एमसीसी विरुद्व बागलुङमा विरोध सभा
