विष्णु शर्मा (पाण्डेचरी)

हाम्रा देशका ठुला दलका
अनौठा छन खेला बरिलै।
चुनाब आउदा जनता प्यारा
अघि पछि हेला बरिलै।।

चुनाब आउदा मासु भात
अघि पछि खोले बरिलै।
दुइ दिनको मासु भातले
जनता बने झोले बरिलै।।

हाम्रा देशका ठुला दलका
अनौठा छन बोली बरिलै।
भत्ता तलब आजै चाइयो
बिकास भने भोलि बरिलै।।

चुनाब आउदा तारा झार्छौ
मिठा मिठा भाषण बरिलै।
आफै लाउने आफै खाने
यही छ यीनको शासन बरिलै

हाम्रा देशका ठुला दलका
अनौठा छन् काम बरिलै।
बिकास गर्ने अरु कोहीले
आफ्नो दिन्छन् नाम बरिलै।।

ठुला ठुला दल देख्दा
परिसकेउ दिक्क बरिलै।
यिनीहरु भन्दा लाग्छ
साना दल ठिक बरिलै।

हाम्रो देशका ठुला दलका
अनौठा छन् बानी बरिलै।
जनता मर्छन् भोक भोकै
यीनले राम्रो खानी बरिलै।।

हाम्रा देशका मन्त्री ज्युलाइ
सुबिधा छन् कति बरिलै।
रुगा लाग्दा बिदेश पुग्ने
यो त भयो अति बरिलै।।

जनता बिमार पर्दाखेरि
पाउन्नन् जीवन जल बरिलै।
जनतालाई ढाडस दिन्छन्
उसजुनीको फल बरिलै।।

हाम्रो देशका जनताको नी
अनौठो छ सोच बरिलै।
तिनै नेता खोजी खोजी
दिने गर्छन् भोट बरिलै।।

देश बनाउने जनताले हो
यति हाम्ले जानौ बरिलै।
सोच दिर्घ बनाएर
राम्रो दल छानौ बरिलै।।