काजिराम श्रेष्ठ ##

सुन्नु होला दिदिबहिनी सुन्नु होला दाजुभाइ
यो वर्षको तिजको स्वागत सबैलाई

जन्म्यौ हुर्क्यौ आफ्नै देशमा कर्म थलो बिदेशमा
बस्न कसलाई रहर छैन आफ्नै देशमा

रोजगार छैन देशमा बिदेश धाउन पर्योनी
नेपालीको दुःख देख्दा आँसु झर्योनी

भाको केही कलकारखाना नी बन्द गर्छ सरकार
सम्झी ल्याउदा यो अबस्था लाग्छ धिक्कार

शाशक जति बिदेशीको इशारामा चल्दछन्‌
सत्ता टिकाई राख्न तिन कै पाउ मल्दछन्‌

नौजवान केटाकेटी पाउनै छोड्यो गाउँघरमा
यस्तै भए देश पनि पर्छ अधरमा

जति सरकार आए पनि जनतालाई उस्तै छ
बिदेशमा नेपालीको दुःख मस्तै छ

जबसम्म जनताको सरकार आउँदैन
बुझीराख जनताले सुख पाउदैन

उठौ जागौ नेपाली हो संगठित बनौ है
संगठित भएर सचेत बनौ है॥