खिमराज चालिसे, चन्डिगढ (भारत) ।
चन्डिगढमा अखिल भारत नेपाली विद्यार्थी सङ्घको आठौँ नगर भेला सम्पन्न भएको छ ।
मूल प्रवाह अखिल भारत नेपाली एकता समाजअन्तर्गत रहेको सङ्घको सो कार्यक्रम जुलाई १३, २०२५ का दिन सम्पन्न भएको हो ।
भेलाको उद्घाटन गर्दै सङ्घका केन्द्रीय अध्यक्ष माधव पोख्रेलले देशको स्वर्णिम भविष्यका कर्णधार विद्यार्थी भएको स्पष्ट पार्नुभयो ।
उहाँले वर्तमान राज्यव्यवस्थामा आमूल परिवर्तन गरेर नयाँ व्यवस्था निर्माणको जिम्मेवारी पनि विद्यार्थीको काँधमा रहेको बताउनुभयो ।
भेलाद्वारा निर्वाचित नगर समितिको घोषणा सङ्घका केन्द्रीय सदस्य नारायण आचार्यले गर्नुभएको थियो ।
भेलाले राम पन्थी अध्यक्ष रहनुभएको १७ सदस्यीय नगर समिति गठन गरेको छ ।
समितिको सचिवमा दीपक चालिसे, कोषाध्यक्षमा सीमा विष्ट तथा सदस्यमा सुरज चालिसे, सन्दीप आचार्य, सन्दीप विक, हेमराज विक, सागर गुरुङ, आसु सुवेदी, निखिल पाण्डे, ईशा रोका, देवेन्द्र रोका, कल्पना जिसी, सङ्गीता विक, सारव पाण्डे र विवेक पाण्डे रहन भएको छ । सदस्यको एक स्थान हाललाई रिक्त राखिएको छ ।
भेलामा नवनिर्वाचित समितिलाई शुभकामना दिँदै मूल प्रवाहका केन्द्रीय सचिवालय सदस्य दिनेश खडका, रक्तिम केन्द्रीय विभागका बिनु नेपाली, सुदूर पश्चिमोत्तर क्षेत्रीय समितिका सहसचिव तेजबहादुर रोका, क्षेत्रीय सदस्य जुना चालिसे, महिला क्षेत्रीय सदस्यहरू सीमा खड्का, सरस्वता भुसाल, विष्णु अर्याल, जनजाति विभागका थमन थापा, नगर अध्यक्ष मानबहादुर केसी, महिला नगर संयोजक जमुना खनाल र समता विभागका लीला विकलगायत बधाई दिनुभएको थियो ।
कार्यक्रम राम पन्थीको सञ्चालन, सुरज चालिसेको अध्यक्षता तथा दीपक चालिसेको स्वागत मन्तव्यसँगै सम्पन्न भएको थियो ।
