दाङ । दाङको घोराहीमा अखिल नेपाल कानुन व्यवसायी सङ्घको जिल्ला भेला सम्पन्न भएको छ ।
सङ्घका उपाध्यक्ष तथा जिल्ला बार एकाइका उपाध्यक्ष नुमानन्द आचार्यको प्रमुख आतिथ्यमा २०८१ असार २४ गते मङ्गलबारका दिन सो भेला सम्पन्न भएको हो ।
कार्यक्रममा मन्तव्य राख्दै आचार्यले जनताले न्याय नपाइरहेको अवस्थाबारे चर्चा गर्नुभयो ।
‘हामी कानुन व्यवसायी मात्र हैनौँ, सामाजिक अभियन्ता पनि हौँ’ उहाँले भन्नुभयो– ‘त्यसैले जनताको न्यायको लागि हामी खरो रूपमा उत्रिनुपर्दछ ।’
त्यस्तै, मिटरब्याज, भ्रष्टाचार, अनियमितता, विकृति, विसङ्गति विरुद्धमा कानुन व्यवसायीले अभियान चलाउनुपर्नेमा उहाँको जोड थियो ।
चेतबहादुर राहुको अध्यक्षतामा अघि बढेको उक्त भेलाले उत्तमप्रसाद भण्डारीको अध्यक्ष रहनुभएको दुई रिक्तसहित सात सदस्यीय जिल्ला समिति गठन गरेको छ ।
समितिको सचिवमा टिकाराम आचार्य तथा सदस्यमा नुमानन्द आचार्य, कृष्ण आचार्य र चेतबहादुर राहु रहनुभएको छ ।
कार्यक्रममा सङ्घका केन्द्रीय सचिव चुरामणि भुसाल, राष्ट्रिय जनमोर्चाका केन्द्रीय सदस्य तथा दाङ जिल्ला अध्यक्ष गणेश आचार्यलगायतको आतिथ्य रहेको थियो ।
निर्वाचित कार्यसमितिलाई काशीनाथ पोख्रेलले बधाई मन्तव्य राख्नुभएको थियो ।
