जगतप्रसाद रेग्मी, काठमाडौँ ।
अखिल नेपाल ट्रेड युनियन महासङ्घ (अन्टुक) को काठमाडौँ जिल्ला भेला धनपति सापकोटालाई अध्यक्षमा चयन गर्दै सम्पन्न भएको छ ।
केन्द्रीय कोषाध्यक्ष पुरुषोत्तम कार्कीको प्रमुख आतिथ्यमा २०८२ असार १४ गते शनिबार केन्द्रीय कार्यालय बागबजारमा सो कार्यक्रम सम्पन्न भएको हो ।
कार्यक्रममा मन्तव्य राख्दै प्रमुख अतिथि कार्कीले ट्रेड युनियन र यसको महत्त्व तथा कम्युनिस्ट आन्दोलनमा मजदुर आन्दोलनको भूमिकाबारे चर्चा गर्नुभएको थियो ।
भेलामा विशेष अतिथि राष्ट्रिय जनमोर्चाका केन्द्रीय सल्लाहकार आनन्द शर्माले देशको राजनीतिक गतिविधि, मजदुर आन्दोलन र समसामयिक विषयमा मन्तव्य राख्नुभएको थियो ।
भेलालाई अखिल नेपाल जनजाति सम्मेलनका अध्यक्ष निमबहादुर बुढाथोकी, नेकपा (मसाल) काठमाडौँका प्रवक्ता जगतप्रसाद रेग्मी र राजमो काठमाडौँका सचिव छवि खनालले शुभकामना मन्तव्य राख्नुभएको थियो ।
भेलाले धनपति सापकोटा अध्यक्ष रहनुभएको एक रिक्तसहित ११ सदस्यीय अन्टुकको काठमाडौँ जिल्ला समिति निर्माण गरेको छ ।
समितिको उपाध्यक्षमा काशिराम नेपाली, सचिवमा प्रेम मोक्तान, कोषाध्यक्षमा दानबहादुर खड्का र सदस्यमा रेवती शर्मा, धनबहादुर थापा, मदन पाण्डे, थानेश्वर जिएम, माधव बस्याल, हिक्मत बोगटी रहनुभएको छ ।
समितिको पहिलो बैठकले धनपति सापकोटा, काशीराम नेपाली र प्रेम मोक्तान रहनुभएको जिल्ला सचिवालय गठन गरेको जानकारी दिइएको छ ।
भेलाको सञ्चालन धनपति सापकोटाले तथा अध्यक्षता प्रेम मोक्तानले गर्नुभएको थियो ।
