चन्द्रा श्रीस, काठमाडौँ ।
कालीगण्डकी गाउँपालिकाकी उपाध्यक्ष मन्जु दर्लामीकी पति तिलकबहादुर दर्लामीले झुण्डिएर आत्महत्या गरेका छन् ।

गाउँपालिकाको वडा नं. २ भयकोटस्थित आफ्नै घरमा २०८२ असार १२ गते साँझ डोरीमा पासो लगाई उनले आत्महत्या गरेका थिए ।

दर्लामीको शव पोस्टमार्टमकाे लागि सत्यवती गाउँपालिकाको ज‍‍‍‍ोहाङ खैरेनी लगिएको नेपाली काङ्ग्रेस कालीगण्डकी गाउँपालिकाका सभापति निमबहादुर श्रीसले युगदर्शनलाई जानकारी दिनुभयो ।

उपाध्यक्ष दर्लामी गाउँपालिकाकाे कामले पालिका कार्यालय पुर्तिघाटबजार गएको बेला सो घट्ना भएको हो ।

४५ वर्षीय दर्लामीका दुई छोरा र एक छोरी रहेका छन् ।

उपाध्यक्ष दर्लामी २०७९ सालको आम निर्वाचनबाट उपाध्यक्षमा निर्वाचित हुनुभएको थियो ।

श्रीसका अनुसार आमा पनि घरमै भएको अवस्थामा थाहै नदिई दर्लामी कोठामा झुण्डिएको अवस्थामा फेला परेका थिए ।