तौलिहवा । कपिलवस्तु जिल्ला शिवराज नगरपालिका वडा नं. ५ को आदर्शनगर टोलमा राष्ट्रिय जनमोर्चाको टोल भेला सम्पन्न भएको छ ।
राजमो कपिलवस्तुका सचिव केरसिंह अदैको प्रमुख आतिथ्यमा २०८२ जेठ ३१ गते शनिबार सो भेला सम्पन्न भएको हो ।
भेलाले तारा घर्तीमगर अध्यक्ष रहनुभएको ११ सदस्यीय राजमो टोल समिति गठन गरेको छ ।
समितिको उपाध्यक्षमा सोमबहादुर कुँवर, सचिवमा फूलमाया विक, कोषाध्यक्षमा रामबहादुर चौधरी तथा सदस्यमा राधा मगर, ईश्वरा घर्तीमगर, विनय बुढाथोकी, पद्मा घर्ती र सुशीला सुनार, त्यस्तै सल्लाहकारमा जितबहादुर घर्ती र प्रेम राई रहनुभएको छ ।
भेलामा प्रमुख अतिथि अदै र राजमो शिवराज नगर समितिका सदस्य ज्ञानबहादुर थापाले मन्तव्य राख्नुभएको थियो ।
नवनिर्वाचित पदाधिकारीलाई राजमो शिवराज नगर समिति सल्लाहकार होमबहादुर कुँवरले बधाई दिनुभएको थियो ।
कार्यक्रम सञ्चालन विनय बुढाथोकीले गर्नुभएको थियो ।
