बुटवल । जातीय समता समाजको दशौँ राष्ट्रिय भेला रुपन्देहीको बुटवलमा सुरु भएको छ ।
२०८२ जेठ २३ गते शुक्रबार मेरिगोल्ड होटलमा आयोजित औपचारिक कार्यक्रममाझ राष्ट्रिय जनमोर्चाका महासचिव मनोज भट्टले उद्घाटन गरेसँगै भेला सुरु भएको हो ।
भेलाको उद्घाटन प्रमुख अतिथि भट्टले गमलाको बिरुवामा पानी राखेर गर्नुभएको थियो ।
राष्ट्रियसभाका सांसदमेत रहनुभएका समाजका अध्यक्ष राजेश विश्वकर्माको अध्यक्षता, महासचिव भक्त विकको सञ्चालन तथा केन्द्रीय सदस्य खगेश्वर सुनारको स्वागतसँगै भेलाको उद्घाटन सत्र अघि बढेको थियो ।
कार्यक्रममा प्रमुख अतिथिसँगै अखिल नेपाल बुद्धिजीवी सङ्घका सचिवालय सदस्य दुर्गानाथ खरेल, कम्युनिस्ट सङ्ग्रहालयका अध्यक्ष चेतनाथ आचार्य, तराई मधेस जनवादी मोर्चाका अध्यक्ष बद्रे आलम, प्रगतिशील पत्रकार सङ्घका अध्यक्ष श्यामलाल पोखरेल र राष्ट्रिय सहकारी अभियानका अध्यक्ष गङ्गालाल सापकोटा, समाजका पूर्व अध्यक्ष दिलबहादुर विक, अखिल नेपाल कानुन व्यवसायी सङ्घका केन्द्रीय सदस्य हेमराज शर्मा, मूल प्रवाह अखिल भारत नेपाली एकता समाजका केन्द्रीय सदस्य चन्द्रबहादुर थापा, अखिल (छैठौं) का केन्द्र्रीय सदस्य कुलचन्द्र शर्माले शुभकामना मन्तव्य राख्नुभएको थियो ।
त्यस्तै, उद्घाटन सत्रमा अखिल नेपाल युवक सङ्घका उपाध्यक्ष चोपबहादुर विक, अखिल नेपाल किसान महासङ्घ (अप्फा) का कोषाध्यक्ष केबी घले, अखिल नेपाल जनजाति सम्मेलनका केन्द्र्रीय सदस्य हरि राहाडी, अखिल नेपाल महिला सङ्घकी केन्द्रीय सदस्य सम्झना पौडेल, राजमो रुपन्देहीका अध्यक्ष टानबहादुर केसी र नेकपा (मसाल) रुपन्देहीका प्रवक्ता लालचन्द पन्थले शुभकामना मन्तव्य राख्नुभएको थियो ।
समाजका केन्द्रीय सदस्य लक्ष्मी विक र विष्णु विकले अतिथिलाई ब्याज वितरण गर्नुभएको थियो ।
भेलामा रक्तिमका कलाकारहरू गीतसङ्गीतसँगै नृत्य प्रस्तुत गर्नुभएको थियो ।
भोलि जेठ २४ गतेसम्म चल्ने सो भेलामा बन्दसत्र र घोषणासभाको कार्यक्रम हुने आयोजकले जानकारी दिएको छ ।
