काठमाडौँ । सत्तारुढ नेपाली कांग्रेसले गृहमन्त्री रमेश लेखकमाथि भिजिट भिसामा सेटिङ गरेको भन्ने आरोप मिथ्या भएको बताएको छ ।

आज बिहान बसेको कांग्रेस पदाधिकारी बैठकले भिजिट भिसा प्रकरणमा गृहमन्त्री रमेश लेखकले पदबाट राजीनामा दिनु नपर्ने निष्कर्ष निकालेको एक पदाधिकारीले बताए ।

पार्टीभित्रै गृहमन्त्री लेखकको राजीनामा माग भइरहेका बेला कांग्रेसले मिथ्या आरोपका आधारमा राजीनामा दिनु नपर्ने बताएको हो ।

भिजिट भिसाका नाममा विदेशमा मानव तस्करी गराउने र त्यसबाट ठूलो रकम लाभ लिने गिरोहलाई संरक्षण दिएको आरोप गृहमन्त्री लेखकलाई लागेको छ।

उनले राजीनामा दिएर अनुसन्धानमा सहयोग गर्नुपर्ने दबाब कांग्रेसकै नेताहरूले दिइरहेका छन्।