काठमाडौँ । गणतन्त्रको रक्षार्थ नेकपा (मसाल) का महामन्त्री मोहनविक्रम सिंह र राष्ट्रिय जनमोर्चाका अध्यक्ष तथा प्रतिनिधिसभाका सांसद चित्रबहादुर केसीको उपस्थितिमा अन्तरक्रियात्मक भेटघाट सम्पन्न भएको छ ।
२०८२ जेठ १० गते शनिबार बागबजारस्थित हार्दिक होटलमा सो कार्यक्रम सम्पन्न भएको हो ।
केन्द्रीय उपाध्यक्ष तथा प्रवक्ता दुर्गा पौडेलको अध्यक्षता तथा महासचिव मनोज भट्टको सञ्चालनमा अघि बढेको कार्यक्रममा उपस्थित सहभागीलाई राजमो केन्द्रीय सल्लाहकार आनन्द शर्माले स्वागत गर्नुभएको थियो ।
कार्यक्रमको पूर्वार्द्धमा मसालका महामन्त्री सिंहको “गणतन्त्रमाथि अन्तरक्रियात्मक भेटघाट” शीर्षकको अवधारणापत्र प्रस्तुत भएको थियो भने अध्यक्ष केसीले विषय प्रवेश गराउँदै मन्तव्य राख्नुभएको थियो ।
तत्पश्चात् विभिन्न विज्ञविशेषज्ञले विषयमाथि आधारित रहेर फ्लोरबाट मन्तव्य राख्नुभएको थियो ।
यसरी मन्तव्य राख्नुहुनेहरूमा गोविन्द कोइराला ‘बन्दी’, प्राडा गोपाल पोखरेल, झलक सुवेदी, नवराज सुवेदी, डा. पशुपति न्यौपाने, एकनारायण भण्डारी, टिकाराम भट्टराई, कृष्ण शर्मा, मनोहर लामिछाने, डा. चूडा ढकाल, बलभद्र भारती, प्राडा मुकुन्दप्रसाद लामिछाने, नरेन्द्रजङ्ग पिटर, प्राडा जीवेन्द्रदेव गिरी, रविनारायण खनाल र प्राडा शम्भु कट्टेल हुनुहुन्थ्यो ।
कार्यक्रममो अन्तमा महामन्त्री सिंहले निष्कर्षमूलक मन्तव्य राख्नुभएको थियो ।
