पोखरा । कास्कीमा क्रियाशील विभिन्न चार राजनीतिक दल स्थानीय मुद्दामा सहकार्य गर्न सहमत भएका छन् ।
राष्ट्रिय जनमोर्चा, कास्कीका अध्यक्ष रविमोहन ढकालको अध्यक्षतामा शनिबार (जेठ ३ गते) बसेको बैठकले् पाँच बुँदे सहमति कायम गर्दै सयुक्त रुपमा अघि बढ्ने निर्णय गरेको छ ।
बैठकले पोखरा अन्तर्राष्ट्रिय विमानस्थलको निर्माण कार्यमा भएको भ्रष्टाचार, फेवातालको मापदण्ड कायम गर्ने सर्वोच्च अदालतको आदेश कार्यन्वयन, पोखरा बसपार्क निर्माण, सहकारी समस्या समाधान
एतिहासिक महत्त्व बोकेका चौतारा संरक्षण तथा राष्ट्रिय गौरवका आयोजनामा देखिएका समस्या समधानका लागि संयुक्त धारणा कायम गरेको हो ।
बैठकमा राष्ट्रिय जनमोर्चाबाट शंकर बराल, रविमोहन ढकाल र गणेश अधिकारी, नेकपाबाट साबित्रा सी (आस्था), उमेस सी र केस सी, नेकपा क्रान्तिकारीका नारायण अधिकारी र दीपक गुरुङ, नेपाल समाजवादी पार्टी (नयाँ शक्ति)बाट टीकाराम पौडेल लगाएतका नेताहरूको उपस्थिति रहेको थियो ।
बैठकले जिल्लामा देखिएका समस्याहरूलाई उठान गर्न र त्यसको समाधानका लागि अन्य राजनीतिक दलहरूसँग हातेमालो गर्दै थप कार्यक्रम बनाएर लैजानको लागि चार सदस्यीय समिति गठन गरेको छ । समितिमा रविमोहन ढकाल, साबित्रा दुरा (आस्था सी), नारायण अधिकारी र टीकाराम पौडेल रहनुभएको छ ।
बैठकमा जिल्लास्तरका समस्यासहित गणतन्त्र र राष्ट्रियताको रक्षा तथा अन्तर्राष्ट्रिय परिस्थितीबारे छलफल भएको राजमो नेता गणेश अधिकारीले जानकारी दिनुभएको छ ।
