कावासोती । नवलपुरमा प्रतिगामी खतराका विरुद्ध जुलुससहित सभा सम्पन्न भएको छ ।
राष्ट्रिय जनमोर्चाको नवलपुरको आयोजनामा २०८२ वैशाख २७ गते शनिबार सो कार्यक्रम सम्पन्न भएको हो ।
सप्ताहव्यापी कार्यक्रमअन्तर्गत गैँडाकोट भृकुटीचोकदेखि प्रतिगमनको विरोध तथा गणतन्त्रको रक्षासम्बन्धी गगनभेदी नारासहित अघि बढेको जुलुस नगरपालिका गेटमा पुगेर कोणसभामा परिणत भएको थियो ।
सभालाई राष्ट्रिय जनमोर्चाका केन्द्रीय सदस्य दीपक पाण्डे र भागिरथ भट्टराई, अखिल नेपाल ट्रेड युनियन महासङ्घ (अन्टुक) का महासचिव शालिकराम सापकोटा, नेकपा (मसाल) नवलपरका प्रवक्ता चन्द्र सापकोटा, जापान नेपाली एकता समाजका कार्यवाहक अध्यक्ष डन्डपाणि केसी, जातीय समता समाजकी केन्द्रीय सदस्य लक्ष्मी विक र अखिल नेमपाल युवक सङ्घका नवलपुरका अध्यक्ष गोविन्द अम्माईले मन्तव्य राख्नुभएको थियो ।
वक्ताहरूले गणतन्त्रको संस्थागत विकास आजको आवश्यकता रहेकाले प्रतिगामी खतराका विरुद्ध समपूर्ण शक्ति एकजुट हुनुपर्नेमा जोड दिनुभएको थियो ।
गैँडाकोट नगरका नेताकार्यकर्ताको व्यापक सहभागितामा रहेको उक्त कार्यक्रमको अध्यक्षता राजमो गैडाकोटका अध्यक्ष होमनाथ पराजुली र सञ्चालन सचिव खिलेश्वरी धितालले गर्नु भएको थियो ।
