केरसिंह अदै, तौलिहवा ।
जातीय समता समाज कपिलवस्तुले जिल्ला सदस्य चेटे कामीकी पत्नी नरमाता कामीको स्मृतिमा शोकसभा सम्पन्न गरेको छ ।
समाजका जिल्ला अध्यक्ष दिलबहादुर विकको प्रमुख आतिथ्यमा २०८२ वैशाख २७ गते शनिबार सो कार्यक्रम सम्पन्न भएको हो ।
शोकसभामा बोल्दै अध्यक्ष विकले नरमाता कामी भारत हुँदादेखि नै जातीय समता समाजको सदस्य भएको स्मरण गर्दै उहाँको निधनले समता समाजलाई क्षति पुगेको बताउनुभयो ।
मूल प्रवाह अखिल भारत नेपाली एकता समाजका केन्द्रीय प्रतिनिधि रामबहादुर विकले शोकसभा आयोजना गरेकोमा समता समाजप्रति आभार व्यक्त गर्नुभयो ।
कार्यक्रममा राष्ट्रिय जनमोर्चा कपिलवस्तुका सचिव केरसिंह अदैले पनि शोकमन्तव्य राख्नुभएको थियो ।
स्मृतिशेष नरमाताकी पति चेते कामीको अध्यक्षतामा सो कार्यक्रम सम्पन्न भएको हो ।
स्मृतिशेष नरमाता कामीको ५८ वर्ष को उमेरमा हृदयघातका कारण वैशाख १९ गते निधन भएको थियो ।
रोल्पादेखि बसाइँ सरी २०६३ सालमा शिवराज नगरपालिका वडा नं. ३ मधवा कर्मादी टोलमा आउनुभएका नरमाताको प रिवारमा पतिका साथै दुई भाइ छोरा र तीन बहिनी छोरी हुनुहुन्छ ।
