वीरेन्द्रनगर । प्रतिगामी खतराका विरुद्ध राष्ट्रिय जनमोर्चा सुर्खेतले जिल्लाव्यापी विरोध सभा सम्पन्न गरेको छ ।
‘प्रतिगामी खतराका विरुद्ध सङ्घर्ष गरौँ, गणतन्त्रको रक्षा गरौँ’ मूल नाराका साथ २०८२ वैशाख २० र २१ गते सो कार्यक्रम सम्पन्न भएका हुन् ।
यस क्रममा राजमोले लेकबेसी नगरपालिकाको गँगटेबजार, दशरथपुर, गुर्भाकोटको शिवनगर र बोटेचौरबजार, सिम्ता गाउँपालिकाको जामुनेबजार, सल्यानकोट, सल्लीबजारलगायत स्थानमा कोणसभा, पर्चा वितरण र जनभेटघाट कार्यक्रम सम्पन्न भएका थिए ।
कार्यक्रममा राजमो केन्द्रीय उपाध्यक्ष जनकराज शर्मा, केन्द्रीय सदस्य रत्नविक्रम रानाप्यासी, राजमो कर्णाली प्रदेश समितिका अध्यक्ष पूर्णबहादुर शाही, राजमो सुर्खेतका सचिव विष्णुप्रसाद शर्माले सम्बोधन गर्नुभएको थियो ।
विभिन्न स्थानका कार्यक्रममा अखिल नेपाल ट्रेड युनियन महासङ्घ (अन्टुक) का केन्द्रीय सदस्य हीरालाल नेपाली, अखिल नेपाल किसान महासङ्घ (अप्फा) सुर्खेतका अध्यक्ष प्रेमबहादुर ठाडा, मूल प्रवाह अखिल भारत नेपाली एकता समाजका रत्नबहादुर खड्का, जितबहादुर घर्तीलगायतको आतिथ्य रहेको थियो ।
कार्यक्रममा रक्तिम सांस्कृतिक अभियानका कलाकारद्वारा सांस्कृतिक कार्यक्रम प्रस्तुत गरिएको थियो ।
