कृष्ण केसी, भरतपुर ।
अखिल नेपाल महिला सङ्घ चितवन जिल्ला समितिकी सदस्य मञ्जु आचार्यको निधन भएको छ ।
४५ वर्षीया आचार्यको २०८२ वैशाख २० गते शनिबार बिहान असामयिक निधन भएपछि सोही दिन राष्ट्रिय जनमोर्चा चितवनका अध्यक्ष अमरबहादुर क्षेत्रीद्वारा श्रद्धाञ्जली दिँदै दाहसंस्कार गरिएको हो ।
दाहसंस्कारपूर्व उहाँको स्मरणमा एक मिनट मौनधारण गर्दै क्षेत्रीले पार्थिक शरीरमा राजमोको झन्डा ओढाउनुभएको थियो ।
नेकपा (मसाल) का पार्टी सदस्य रहेकी आचार्य पार्टीभित्र बिहानी टेकनाम रहेको जानकारी प्राप्त भएको छ ।
रक्तिम सांस्कृतिक अभियान चितवनकी सल्लाहकारसमेत रहनुभएकी आचार्य शनिबार एक्कासि बेहोस भएपछि पुरानो मेडिकल कलेजमा उपचारको क्रममा निधन भएको थियो ।
बागलुङ जिल्ला जैमिनी नगरपालिका–८ राङखानी फलाटेमा बुबा बुद्धिधर पाध्या र आमा मीना पाध्याको कोखबाट माइली छोरीको रूपमा २०३६ कात्तिक १९ उहाँको जन्म भएको थियो ।
२०५६ वैसाख १ गते जैमिनी–४ मादी आरुबोट निवासी प्रेमप्रसाद आचार्यसँग विवाह भएकी मञ्जुको परिवारमा पतिसहित उक छोरा र एक छोरी रहेका छन् ।
