महेश रिजाल, दाङ ।
राष्ट्रिय जनमोर्चाका केन्द्रीय सदस्य तथा दाङ जिल्ला अध्यक्ष गणेश आचार्यले मजदुरको श्रमपसिनाले संसारलाई सुन्दर बनाएको बताउनुभएको छ ।
२०८२ वैशाख १८ गते बिहीबार दाङमा आयोजित एक सय छत्तिसौँ अन्तर्राष्ट्रिय मजदुर दिवसका सन्दर्भमा आयोजित कार्यक्रममा मन्तव्य राख्दै उहाँले सो अभिव्यक्ति दिनुभएको हो ।
उहाँले कम्युनिस्ट आन्दोलन र मजदुर आन्दोलन अन्तरसम्बन्धित भएकाले कम्युनिस्ट पार्टीहरू नै मजदुर आन्दोलनको नेतृत्व गर्ने स्पष्ट पार्नुभयो ।
मन्तव्यको क्रममा सहिद मित्रमणि आचार्यको बारेमा चर्चा गर्दै उहाँले सहिदले देखाएको बाटोलाई नेपाली बिद्यार्थी आन्दोलनले पछ्याउनुपर्नेमा जोड दिनुभयो ।
कार्यक्रममा अखिल नेपाल जनजाति सम्मेलन पूर्व केन्द्रीय सदस्य रामबहादुर जिएम, अखिल नेपाल किसान महासङ्घ (अप्फा) दाङका सचिव मनिराम खनाल, अखिल नेपाल प्रगतिशील लेखक सङ्घ (अन्पा) लुम्बिनी प्रदेश उपाध्यक्ष सुरेशकुमार पाण्डे, अखिल (छैठौं) दाङका अध्यक्ष सेवक भट्टराई, जातीय समता समाज दाङका अध्यक्ष सूर्यलाल नेपाली, अखिल नेपाल युवक सङ्घ लुम्बिनी प्रदेश सदस्य दीपक केसी, युवक सङ्घ दाङकै जिल्ला सदस्य हेमा पोख्रेल, जनजाति सम्मेलन जिल्ला सदस्य शेरबहादुर पुन, अखिल नेपाल महिला सङ्घ नगर सदस्य देबा पाण्डे, रक्तिम सांस्कृतिक अभियान घोराही नगर अध्यक्ष उत्सव पुन, अखिल नेपाल राष्ट्रिय उद्योग व्यापार सङ्घ घोराहीका उपाध्यक्ष आशाकिरन पाण्डेलगायतले मन्तव्य राख्नुभएको थियो ।
सो अवसरमा राजमो दाङकी सहसचिव कृष्णा राना, जिल्ला सदस्य मेघराज भट्टराई र समता समाज दाङका सहसचिव पोषण नेपालीको पनि आतिथ्य रहेको थियो ।
अखिल (छैठौं) दाङ जिल्ला समिति र अखिल नेपाल ट्रेड युनियन महासङ्घ (अन्टुक) घोराही नगर समितिको आयोजनामा अघि बढेको उक्त कार्यक्रमको अध्यक्षता नगर उपाध्यक्ष सुशीला नेपालीले तथा सञ्चालन सचिव बालाराम अधिकारीले गर्नुभएको थियो ।
