काठमाडौं । नेपालगन्जबाट सल्यान जाँदै गरेको फोर्स गाडी सोमबार बिहान दुर्घटना हुँदा १२ जनाको ज्यान गएको छ । २१ जना घाइते भएका छन् ।
भारतबाट आएका नेपालीलाई सिमानामा उद्दार गरी नेपालगन्जबाट सल्यान लैजाँदै गरेको बा ५ ख ५९९५ नम्बरको फोर्स गाडी रोकिराखेको ना ४ ख ९०६४ नम्बरको ट्रकमा ठोक्किएर दुर्घटना भएको प्रहरीले जनाएको छ ।
बाँके जिल्ला प्रहरी कार्यालयका अनुसार २१ घाइतेमध्ये तीन जनाको अवस्था गम्भीर छ । घाइतेमध्ये २० पुरुष र १ महिला छन्।
घाइतेहरुलाई भेरी अस्पताल लगिएको छ । शव पनि त्यही अस्पतालको शव गृहमा राखिएको छ । मृतकको सनाखत हुन बाँकी रहेको प्रहरीले जनाएको छ ।
दुर्घटनामा परेको फोर्स गाडीमा भारतका विभिन्न सहरबाट घर फर्किँदै गरेका ३३ जना थिए । उनीहरुलाई नेपालगन्ज नाकाबाट उद्धार गरेर सल्यानतर्फ पठाइँदै थियो ।
मृतक र घाइतेको स्वाब संकलन
दुर्घटनामा मृत्यु भएका १२ र घाइते २१ जना सबैको कोरोना परीक्षण गर्न स्वाब संकलन गरिएको नेपालगन्जस्थित भेरी अस्पताल स्रोतले जनाएको छ ।
दुर्घटनाका घाइतेको उद्धारमा नेपाल प्रहरी, सशस्त्र र नेपाली सेना खटेकाले उनीहरुको पनि परीक्षण गरिने जनाइएको छ ।
मृतक र घाइतेको परीक्षण रिपोर्ट हेरेर सुरक्षाकर्मीको पनि परीक्षण गरिने प्रहरीले जनाएको छ ।
घाइते हुनेहरुको नामावली यस्तो छ
१. मेघराज केसी (४५) घोराही उपमनपा धर्ना–५, दाङ
२. सुनिल परियार (१७), त्रिवेणी गाउँपालिका ७, रोल्पा
३. वीरेन्द्र परियार (२०) त्रिवेणी गाउँपालिका ७, रोल्पा
४. पुरन परियार (१८) त्रिवेणी गाउँपालिका ७, रोल्पा
५. विष्णु गिरी (३९) दाङ, तुल्सीपुर उपमनपा २ खैरीकोट
६. टिका चलाउने (२९) सारदा नपा ६, कजेरी, सल्यान
७. दिपेश चौधरी (२०) राजपुर गापा ६, ग्रामीखोला, दाङ
८. रुपलाल केसी (२३) तुल्सीपुर उप महानगरपालिका २, खैरीकोट
९. नर बहादुर विक (५२) रोल्पा, कुरेली डालिम गापा
१०. जीवन घर्ती (२१) राजपुर गापा २ रैनिया, दाङ
११. दिल बहादुर विक (४०) टुटु ८ रोल्पा
१२. मिनराज विक (२०) बनगाढ कुपिन्डे नपा ६ घाँजरी, सल्यान
१३. तेज बहादुर बुढाथोकी (४०) सिद्धकुमाख गापा ५ दह, सल्यान
१४. धन बहादुर बोहोरा (१८) सिद्धकुमाख गापा ५, छापडाँडा, सल्यान
१५. लोकेश घर्ती (२८) सिद्धकुमाख गापा ४ चाँदे
१६. दिप बहादुर बुढा (५२) बनगाड कुपिण्डे नपा ६, सल्यान
१७. भरत थापा (२०) गढवा गापा ६ भानपुर, दाङ
१८. शिव भण्डारी (२६) सिद्धकुमाख गापा ४, सल्यान
१९. देवेन्द्र खड्का (१८) सिद्धकुमाख गापा ५ दह, सल्यान
२०. ज्ञान बहादुर बाहोरा (१७) सिद्धकुमाख गापा ५ दह, सल्यान
२१. नाम र ठेगाना नखुलेको
