केरसिंह अदै, तौलिहवा ।
कपिलवस्तुमा लेनिनको एक सय छप्पनौँ जन्मजयन्ती तथा सत्तहत्तरौँ पार्टीस्थापना दिवसको कार्यक्रम सम्पनन भएको छ ।
२०८२ वैशाख ९ गते तदनुसार अप्रिल २२, २०२५ मङ्गलबार गोरुसिङ्गेमा सो कार्यक्रम सम्पन्न भएको हो ।
मसाल कपिलवस्तुका प्रवक्ता माधव भाटक्षेत्रीको अध्यक्षतामा अघि बढेको उक्त कार्यक्रममा राजमो केन्द्र्रीय सल्लाहकार दधिराम आचार्य, अन्टुकका केन्द्रीय सदस्य केरसिंह अदै, जनजाति सम्मेलनका केन्द्रीय सदस्य नरबहादुर घर्ती, राजमो कपिलवस्तुका अध्यक्ष रामप्रसाद बेलबासे र महिला सङ्घ कपिलवस्तुका अध्यक्ष शारदा खनालले मन्तव्य राख्नुभएको थियो ।
कार्यक्रममा वक्ताहरूले रुसी समाजवादी क्रान्ति, लेनिनवादी सङ्गठनात्मक सिद्धान्त, लेनिनको जीवनी र कृतित्व, कम्युनिस्ट पार्टीको इतिहास, नेपाल कम्युनिस्ट आन्दोलनको इतिहासलगायतका विषयमा धारणा राख्नुभएको थियो ।
कार्यक्रमको सञ्चालन राजमो कपिलवस्तुका कोषाध्यक्ष केहरसिंह पुनले र स्वागत अखिल नेपाल किसान महासङ्घ ९अप्फा० कपिलवस्तुका अध्यक्ष सिद्धि आचार्यले गर्नुभएको थियो ।
