रवि पौडेल ##
देख्नु भो ?
छुट्याउनु भो ?
चिन्नु भो ?
आन्दोलन, बन्द हड्ताल
देशकै मुटुमा
काठमाडौंमा
राता मानिस र सेता मानिसमा
फरक छुट्याउनु भो ?
सेता मानिसहरूले भने
राज आऊ देश बचाऊ
पुरानो राज्यव्यवस्था माग गरे
राता मानिसहरुले भने–
सङ्घीयता खारेज गर
प्रदेश संरचना ध्वस्त पार
विकेन्द्रीकरणमा आधारित
एकात्मक प्रणाली लागु गर
अर्थात् एउटा केन्द्र र केन्द्रशासित
मजबुत र शक्तिशाली स्थानीय सरकार
फरक छ
नबुझेर हो
नचिनेर हो
न तोडफोड
न सडकभरि फोहोर
न हल्ला, न चिच्चाहट
सिक्नुछ भने
राता मानिससँग सिक
अग्रगामी शक्तिबाट सिक
पच्चगामीबाट होइन
त्यसैले
उनीहरु र हामीमा फरक छ
नितान्त फरक छ
विचार फरक छ
नीति र सिद्धान्त फरक छ
कार्यक्रम गर्ने शैली फरक छ
न सडकमा,
सोफासहितको मञ्च छ
छन् त, सादा कुर्सी
दर्शकहरू भुइँमा बसेका छन्
न बेच्न छन्
न कुर्सी
कति फरक छ ?
राता मानिस र
सेता मानिसहरुमा !
