काठमाडौँ । सङ्घीयता खारेजीका लागि राष्ट्रिय जनमोर्चाले सञ्चालन गरेको काठमाडौँकेन्द्रित आन्दोलनको दोस्रो दिन सुकेधाराबाट जुलुस तथा चाबहिलमा सभा हुने भएको छ ।
Advertisement
राजमो केन्द्रीय कार्यालयका अनुसार आज २०८१ चैत २५ गतेको चाबहिलको सभामा राजमो नेता बोमबहादुर खत्रीले सम्बोधन गर्नुहुने भएको हो ।
चाबहिलको सभा दिउसो २ बजेदेखि सुरु हुनेछ ।
सभामा राजमो तथा विभिन्न जनवर्गीय सङ्गठनका नेताहरूले सम्बोधन गर्ने कार्यक्रम रहेको छ ।
सभापूर्व एउटा जुलुस बुढानीलकण्डको साप्रेढुङ्गाबाट सुरु भएर सुकेधारा आइपुग्ने छ भने अर्को जुलुस बसुन्धरादेखि सुकेधारा नै आइपुग्नेछ ।
दुवै जनसार एकीकृत भएर निलोपुल, मिलनचोक, गोपीकृष्ण सिनेमा, चुच्चेपाटी, बौद्ध हुँदै चाबहिल पुग्नेछ ।
