रवि पौडेल ##

किन चाहियो सङ्घीयता
छिटो खारेज गर
किन चाहियो प्रदेश सरकार
छिटो खारेज गर

काम नगर्ने संरचना
किन चाहियो हाम्लाई
ऋण बढाउन
प्रदेश सरकार चाहिएको तिम्लाई ?
कार्यकर्ता पाल्न तिम्लाई ?

प्रदेश सरकार चाहिने
सातै प्रदेश देखाएर
ऋण काड्न पाइने
विदेशीको शरण पर्छौ
पैसाभन्दा मर्छौ
युवाशक्ति विदेश पठाई
रजाइँ तिम्ले गर्छौं
स्वास्थ्य, शिक्षा, रोजगारले
आक्रान्त छन जनता
बिनाकामको समृद्धिले
के गर्यो भन त ?
अनावश्यक भ्युटावर बनाई
ऋण मात्रै बढाउँछौ
रोजगार दिन्नौ
युवा वर्ग खाडीमा सडाउँछौ

बहुदल आ’को यत्रो वर्ष
सत्तामोह मात्रै
काम केही गर्ने होईन
देखायौ नि जात्रै
खाली खुट्टा गएका तिमी
महल चुलायौ
भ्रष्टाचार गरी गरी पेट मात्रै फुलायौ
देशको सीमा छिमेकीले लुटिसक्यो

राष्ट्रभक्ति जनताको
ओठ पनि सुक्यो
विकल्पको खोजी गर्न
जनता सडक आए
ढुङ्गा हान्दा प्रहरीलाई
तातो गोली पाए
जनता पनि पटमूर्ख
ढुङ्गामुढा गर्ने
यही हो मौका भन्दै सरकार
बन्दुक गोली भर्ने

बेथितीको विरोध गर्न
काठमाडौँ जाऊँ
सङ्घस्यता खारेजीका नारा
ठाउँठाउँमा लाऊँ
सङ्घस्यता खारेज गर्न
काठमाडौँ जाउँ
विदेशीको सङ्घीयता
छिट्टै अब भगाऊँ
चैत २४ देखि २६ सम्म
काठमाडौं जाऊँ
विदेशीको सङ्घीयता
विदेशतिरै भगाऊँ