दाङ । राष्ट्रिय जनमोर्चा दाङले आगामी चैत २४ देखि गर्न थालेका राजधानीकेन्द्रित साताव्यापी आन्दोलनको पूर्वतयारी र प्रचारप्रसारको सिलसिलामा मोटरसाइकल ऱ्याली गरेको छ ।
राजमो केन्द्रीय सदस्य तथा दाङ जिल्ला अध्यक्ष गणेश आचार्यको नेतृत्वमा २०८१ फागुन २२ गते बिहीबार सो कार्यक्रम सम्पन्न भएको हो ।
दाङ गढवा–१ कालाकाटेबाट सुरु भएको उक्त जुलुस भालुबाङ, सिसहनिया, लमही, गढवाबजार हुँदै महदेवामा पुगेर समापन भएको थियो ।
त्यस अवसरमा भालुबाङ, लमही र गढवाको कोणसभामा केन्द्रीय सदस्य आचार्यले, सिसहनियामा अखिल नेपाल जनजाति सम्मेलन दाङ जिल्ला अध्यक्ष रमेशमान गुरुङ र अखिल नेपाल किसान महासङ्घ (अप्फा) दाङका उपाध्यक्ष माधव आचार्यले, कालाकाटेको कोणसभालाई राजमो दाङका सचिव बसन्त पौडेलले, गढवामा राजको दाङ जिल्लाका सदस्य दिनमणि आचार्य र महादेवामा जिल्ला सदस्य नवराज शर्माले मन्तव्य राख्नुभएको थियो ।
भालुबाङको कार्यक्रममा सञ्चालन जिल्ला सदस्य हरि थापा, लमहीको कार्यक्रममा सञ्चालन जिल्ला सदस्य गिरबहादुर पौडेल, गढवाको कार्यक्रममा सञ्चालन अखिल नेपाल युवक सङ्घ दाङका उपाध्यक्ष लेखराज आचार्य, कालाकाटेको कार्यक्रममा सञ्चालन राजमो दाङका जिल्ला सदस्य टुकमान कुँवरले र महादेवाको कार्यक्रममा सञ्चालन राजमो गढवा–१ का अध्यक्ष भरत पौडेलले गर्नुभएको थियो ।
यसअघि घोराही र तुलसीपुरमा फागुन २० गते सम्पन्न भएको थियो ।
