बुटवल । भैरहवाको सिद्धार्थ उद्योग वाणिज्य सङ्घको अध्यक्षमा नेत्र आचार्य निर्विरोध निर्वाचित हुनुभएको छ ।
२०८१ फागुन १६ गते शुक्रबार सम्पन्न मनोनयनमा आचार्यलाई निर्विरोध अध्यक्षमा चयन गरेको हो ।
सङ्घको सहकोषाध्यक्षमा र वाणिज्य उपाध्यक्षबाहेक सबै पदाधिकारहरु निर्विरोध निर्वाचित भएका छन् ।
त्यस्तै, सङ्घको वरिष्ठ उपाध्यक्षमा दिलिप कान्दु, उद्योग उपाध्यक्षमा गोविन्द ज्ञवाली, महासचिवमा कृष्ण घिमिरे, सचिवमा मङ्गल भण्डारी र कोषाध्यक्षमा कमल मरासेनी निर्विरोध निर्वाचित हुनुभएको छ ।
कर्पोरेट उपाध्यक्षमा रोहित अग्रवाल, कर्पोरेट सदस्यमा अर्पित अग्रवाल र विकास गोयनका पनि निर्विरोध निर्वाचित हुनुभएको छ ।
त्यस्तै, वस्तुगत सदस्यमा प्रीतम रौनियार, महिला सदस्य उद्योगतर्फ विष्णुमाया शर्मा पनि निर्विरोध निर्वाचित हुनुभएको छ ।
वाणिज्य सङ्घको फागुन २४ गते निर्वाचनको मिति तोकिएको थियो । निर्वाचनअघि नै १६ गते मनोनयन समय सकिएको छ । मनोनयनको समय सकिएपछि अध्यक्षसहित पदाधिकारी र सदस्य गरी ११ जना निर्विरोध निर्वाचित भएका छन् ।
निर्वाचनको प्रकृया सुरु भएको र सबै पदमा निर्विरोध नभएका कारण निर्वाचन समितिले आधिकारिक रूपमा घोषणा गरेको छैन तर निर्विरोध निर्वाचित भएका अध्यक्ष आचार्यसहित पदाधिकारी र अन्य सदस्यहरूमा कसैले उम्मेदवारी नदिएपछि स्वतः निर्विरोध भएका हुन् ।
अध्यक्ष तथा पदाधिकारी, सदस्य र मनोनित गरी ३३ जनाको समिति हुनुपर्ने प्रावधान छ । सिद्धार्थ उद्योग वाणिज्य सङ्घको छ्यासट्ठिऔँ साधारणसभा तथा अधिवेशन हुँदैछ ।
