खलङ्गा । प्युठान झिमरुक गाउँपालिकाको वडा नम्बर ७ थापचौर–बोहरागाउँमा राष्ट्रिय जनमोर्चा र अखिल नेपाल महिला सङ्घका टोल समिति गठन भएका छन् ।
राजमो लुम्बिनी प्रदेश समितिका सल्लाहकार वासुदेव पोखरेल र नेकपा (मसाल) ५ नम्बर ब्युरोका प्रवक्ता तिलक जिसीको उपस्थितिमा २०८१ फागुन १५ गते बिहीबार सम्पन्न भेलाले सो समिति गठन गरेको हो ।
संघीयता विरुद्ध काठमाडौँकेन्द्रित आन्दोलन तयारीको सिलसिलामा देशैभरि राजमोको सङ्गठन विस्तारको क्रममा त्यहाँ भेला भएको सल्लाहकार पोखरेलले जानकारी दिनुभयो ।
वयोवृद्ध किसान नेता गोविन्दबहादुर जिसीको अध्यक्षतामा सम्पन्न भेलाले सन्तोष जिसी अध्यक्ष रहनुभएको नौ सदस्यीय राजमोको टोल समिति गठन गरेको छ ।
समितिको सचिवमा विजय परियार, कोषाध्यक्षमा शुष्मिता जिसी तथा सदस्यमा देवबहादुर केसी, राजेन्द्र जिसी, कृष्णबहादुर जिसी, हुकुमबहादुर जिसी र सुशीला जिसी रहनुभएको छ ।
त्यस्तै, भेलाले निमा एमसीको अध्यक्ष रहनुभएको १५ सदस्यीय महिला सङ्घको समिति गठन गरेको छ ।
समितिको उपाध्यक्षमा कृष्णा जिसी बोहोरा, सचिवमा शकुन्तला जिसी, कोषाध्यक्षमा विष्णा जिसी, सदस्यमा जीवा गिरी, गीता जिसी, सीता परियार, शुष्मा जिसी, रिमा जिसी, बसन्ता जिसी, सुमित्रा जिसी, विमला जिसी, सङ्गिता जिसी, लाली केसी र मनिषा परियार रहनुभएको छ ।
