परासी । राष्ट्रिय जनमोर्चा नवलपरासी (बर्दघाट सुस्ता पश्चिम) ले सङ्घीयताको विरुद्धमा जिल्लाव्यापी प्रचार कार्यक्रम सम्पन्न गरेको छ ।
२०८१ फागुन ७ गते बुधबार उक्त कार्यक्रम सम्पन्न भएको हो ।
जिल्लाको भुमहीबजारबाट सुरु भएको उक्त कार्यक्रम सुनवलचोक, परासी बुद्धचोक, पाटखौली बजार, भटौलिया, गोपिगञ्ज, पुनर्बास, जिमरिभार र बर्दघाटबजारलगायत स्थानमा कोणसभा सम्पन्न भएका थिए ।
कोणसभालाई राजमो लुम्बिनी प्रदेश समितिका सदस्य तिलकप्रसाद सुवेदी, राजमो नवलपरासीका अध्यक्ष किसनबहादुर अधिकारी, अखिल नेपाल महिला सङ्घकी केन्द्रीय सदस्य सम्झना पौडेल, नेपाल कम्युनिस्ट पार्टी (मसाल) नवलपरासीका प्रवक्ता रेम राना, राजमो नवलपरासीका उपाध्यक्ष राजेन्द्र अर्याल, राजमो नवलपरासीका सचिव ढुण्डिराज पोख्रेल र राजमो नवलपरासीका जिल्ला सदस्य शोभाकान्त लामिछाने सम्बोधन गर्नुभएको थियो ।
कार्यक्रममा काठमाडौँकेन्द्रित सङ्घीयता विरुद्ध चैत २४ देखि ३० गतेसम्मको आन्दोलनको प्रचारप्रसारका साथै पर्चा वितरण र सङ्घीयता विरोधी नारा घन्काइएको थियो ।
