बागलुङबजार । बागलुङमा अखिल नेपाल जनजाति सम्मेलनको आठौँ जिल्ला अधिवेशन सम्पन्न भएको छ ।
केन्द्रीय अध्यक्ष निमबहादुर बुढाथोकीको प्रमुख आतिथ्यमा २०८१ पुस २६ गते शुक्रबार बागलुङबजारस्थित नेपाल मगर सङ्घको हलमा सो अधिवेशन सम्पन्न भएको हो ।
अधिवेशनमा मन्तव्य राख्दै बुढाथोकीले नेपालमा जनजातिहरू आर्थिक, सामाजिक, शैक्षिक र सांस्कृतिक क्षेत्रबाट पछि पारिएकाले राजनैतिक क्षेत्रमा समेत पछि परेको धारणा राख्नुभयो ।
उहाँले जनजातिलाई सचेत ढङ्गले आन्दोलित गर्न सके उनीहरूको मुक्ति र उत्थान हुन सक्ने बताउनुभयो ।
अध्यक्ष बुढाथोकीले जनजाति आन्दोलनलाई जातीय आधारमा होइन, वर्गीय मुक्ति आन्दोलनसित जोडेल लगिएमा त्यसले सही दिशा लिन सक्ने स्पष्ट पार्नुभयो ।
अधिवेशनलाई राष्ट्रिय जनमोर्चाका केन्द्रीय सल्लाहकार तथा जिल्ला समन्वय समिति बागलुङका प्रमुख अमर थापा, अखिल नेपाल बुद्धिजीवी सङ्घका उपाध्यक्ष काजीगाउँले श्रेष्ठ, मूल प्रवाह अखिल भारत नेपाली एकता समाजका उपाध्यक्ष केबी थापा, अखिल नेपाल महिला सङ्घकी केन्द्रीय उपाध्यक्ष लक्ष्मी बासकोटा र अखिल नेपाल ट्रेड युनियन महासङ् ९अन्टुक० का केन्द्रीय सदस्य नामबहादुर बाठामगरले शुभकामना दिनुभएको थियो ।
त्यस्तै, जातीय समता समाजका गण्डकी प्रदेश समितिका उपाध्यक्ष खड्क विक, जनजाति सम्मेलनका सल्लाहकार तथा जैमिनी नगरपालिकाका प्रमुख नरबहादुर पुन, नेकपा ९मसाल० बागलुङका प्रवक्ता मेकबहादुर पाइजा, राजमो बागलुङका अध्यक्ष तिलक थापा, जनजाति सम्मेलनका डम्बरबहादुर बहिक, अखिल नेपाल युवक सङ्घका जिल्ला अध्यक्ष वीरेन्द्र थापा र रक्तिम सांस्कृतिक अभियानका जिल्ला सचिव कुलबहादुर छन्त्यालले पनि शुभकामना दिनुभएको थियो ।
अधिवेशनको अध्यक्षता लालबहादुर पुनले, सञ्चालन तुलवीर श्रीसले र सञ्चालन तिलबहादुर गुरुङले गर्नुभएको थियो ।
अध्यक्षमा घर्तीमगर
अधिवेशनले तमबहादुर घर्तीमगर अध्यक्ष रहनुभएको जनजाति सम्मेलनको जिल्ला समिति गठन गरेको छ ।
समितिको उपाध्यक्षमा ओबहादुर पुन, सचिवमा तुलवीर श्रसि, सहसचिवमा नर्सिङ पुन र कोषाध्यक्षमा होमबहादुर पुन रहनुभएको छ ।
त्यस्तै, सदस्यमा लालबहादुर सिँजाली, दलप्रसाद श्रीस, भक्तिराम पुन, मीनबहादुर मगर, थमन पुन र ओमकार श्रीस रहनुभएको छ ।
अधिवेशनले लालबहादुर पुन, सबराज छन्त्याल र सबिन श्रीसलाई सल्लाहकारमा चयन गरेको छ ।
