मेरो एउटा छिमेकी छ जसले सधैँ आफूलाई
बलशाली ,धनवान, शक्तिशाली ठूलो ठान्छ
संसारकै उत्कृष्ट प्रजातन्त्रवादी ठान्छ ।
लोकतन्त्रको हिमयाती नव प्रवर्तनको द्योतक ठान्छ
बाहिरबाट यसो हेर्दा
होकि होकि जस्तो पार्छ
तर भित्र भित्रैबाट
संकटको बेलामा नि खुनी नङ्ग्रा देखाउँछ ।
अरु पनि छिमेकीको ठिक्क त्यस्तै हालत छ ।
अचम्मको प्रतिभा विकसित गराई दिएछन्
उसलाई साम्राज्यवादीहरुले
साँध मिच्न र विपतमा गला थिच्न
म त तपाईहरुको शुभचिन्तक हूँ भन्दै
कहिले पूर्व दक्षिण र कहिले पश्चिममा
आलि सार्दै भू हत्याउन
यस्तो वैरी छिमेकमा कसैको नपरोस् ।
हाम्रा त अभिभावक भनाउँदा पनि त्यस्तै
तिनैका पछि पछि जी हजुरीमै व्यस्तै
कति त तिनैका भतुवै हुन् कि जस्ता
आशिर्वाद उतैको पाएका जस्ता
लात्ता भकुर्दै उतै पुर्याइदिउँ जस्ता
अब त अति भो सहिन्नँ यस्ता छिमेकी
हारेमा जाला यै एउटा जीवन
जितेमा बाँच्लान सुखि भै जहान
लड्नु छ यहाँ लडाइँ ठूलो
मिलाई राख अरुनि छिमेक
जुट है सारा नगुमाइ विवेक ।
तारामणी न्यौपाने, बेलौरी, कञ्चनपुर
