तौलिहवा । कपिलवस्तु जिल्लाको विजयनगर गाउँपालिका वडा नं. ५ मा राष्ट्रिय जनमोर्चाको वडा समिति पुनर्गठन गरिएको छ ।
राजमो कपिलवस्तुका सचिव केरसिंह अदैको प्रमुख आतिथ्यमा २०८१ पुस १३ गते शनिबार सम्पन्न भेलाद्वारा सो समिति पुनर्गठन गरिएको हो ।
भेलाले भोपाल चौधरी अध्यक्ष रहनुभएको राजमोको ११ सदस्यीय वडा समिति पुनर्गठन गरेको छ ।
समितिको उपाध्यक्षमा त्रिवेणी कुर्मी, सचिवमा सन्तोष चौधरी, कोषाध्यक्षमा सुशीलादेवी चौधरी, सदस्यमा विजयबाबु चौधरी, कृष्णप्रसाद चौधरी, लक्ष्मीनारायण चौधरी, विष्टमोहन चौधरी, प्रेमादेवी कहार र किरण चौधरी तथा सल्लाहकारमा राजेश चौधरी र रामसेवक कहार रहनुभएको छ ।
भेलामा सचिव अदैले देशको वर्तमान राजनीतिक परिस्थिति र सङ्घीयता विरुद्ध राजमोको काठमाडौँकेन्द्रित आन्दोलनको बारेमा मन्तव्य राख्नुभएको थियो ।
त्यस्तै, राजमो कपिलवस्तुका जिल्ला सदस्य त्रिवेणी कुर्मीले पनि भेलामा मन्तव्य राख्नुभएको थियो ।
नवनिर्वाचित समितिलाई राजमो विजयनगर पालिका समितिका अध्यक्ष गोविन्द परिवारले बधाई तथा सफल कार्यकालको शुभकामना मन्तव्य राख्नुभएको थियो ।
भोपाल चौधरीको अध्यक्षता तथा सन्तोष चौधरीको सञ्चालनमा उक्त भेला सम्पन्न भएको थियो ।
