केरसिंह अदै, तौलिहवा ।
कपिलवस्तुमा अखिल नेपाल युवक सङ्घको पाँचौँ जिल्ला भेला सम्पन्न भएको छ ।
सङ्घका केन्द्रीय सल्लाहकार देवेन्द्र कुँवरको प्रमुख आतिथ्यमा २०८१ पुस ११ गते बिहीबार बाणगङ्गा बोधगाउँमा सो कार्यक्रम सम्पन्न भएको हो ।
भेलामा प्रमुख अतिथि कुँवरले देशको राजनीतिक परिस्थिति बिग्रँदै गएको हुँदा युवाहरू सचेत हुनुपर्ने आवश्यकतामा जोड दिनुभयो ।
लाखौँको सङ्ख्यामा विदेश पलायन देशकै मुख्य चुनौती रहेको उहाँको भनाइ थियो ।
कार्यक्रममा अखिल नेपाल किसान महासङ्घ (अप्फा) का केन्द्रीय उपाध्यक्ष शिव पौडेल, अखिल नेपाल ट्रेड युनियन महासङ्घ (अन्टुक) का केन्द्रीय सदस्य केरसिंह अदै, नेकपा (मसाल) कपिलवस्तुका प्रवक्ता माधव भाटक्षत्री, रक्तिम सांस्कृतिक अभियानका केन्द्रीय सदस्य मानबहादुर नेपाली, अखिल नेपाल जनजाति सम्मेलनका केन्द्रीय सदस्य केहरसिंह पुनमगरलगायतले शुभकामना मन्तव्य व्यक्त गर्नुभएको थियो ।
श्यामप्रकाश खनालको अध्यक्षतामा अघि बढेको सो कार्यक्रमको सञ्चालन युवराज आचार्यले र स्वागत विक्रम केसीले गर्नुभएको थियो ।
अध्यक्षमा आचार्य
भेलाले विक्रम केसी अध्यक्ष रहनुभएको नौ पूर्ण र दुई सल्लाहकार गरी ११ सदस्यीय युवक सङ्घको कपिलवस्तु जिल्ला समिति गठन गरेको छ ।
समितिको उपाध्यक्षमा अभिषेक आचार्य, सचिवमा अजय अधिकारी, सहसचिवमा सुरज भुसाल, कोषाध्यक्षमा आकाश भुसाल, सदस्यमा श्रीराम खनाल र एक स्थान रिक्त तथा सल्लाहकारमा युवराज आचार्य र श्याम खनाल रहनुभएको छ ।
समितिका पदाधिकरीलाई राष्ट्रिय जनमोर्चा कपिलवस्तुका अध्यक्ष रामप्रसाद बेलबासेले बधाई तथा सफल कार्यकालको शुभकामना दिनुभएको थियो ।
