टेकराज भुसाल, बुटवल ।
गत मङ्सिर २८ गते राति उपचारका लागि बुटवल नयागाउँदेखि हस्पिटल जाने क्रममा तिनाउपुलमा भएको भयानक सवारी दुर्घटनामा परी निधन भएका स्मृतिशेष तिलकराम खनाल र गोरी खनालप्रपित अर्घाखाँची ढाकाबाङ–रुपन्देही सम्पर्क समाजले श्रद्धाञ्जली दिएको छ ।
समाजका उपाध्यक्ष ज्ञानप्रसाद खनाल, शुभेच्छुक रामप्रसाद खनाल, विशाल खनाल र सुशीला खनाल (धिताल) का मातापिताको सम्झनामा समाजले नवौँ दिन २०८१ पुस ६ गते शनिबार बिहान ढबाहा कलुवाचोकमै पुगेर श्रद्धाञ्जली दिएको हो ।
स्मृतिशेष खनाल दम्पतीलाई श्रद्धाञ्जली दिँदै समाजका अध्यक्ष कृष्णप्रसाद खनाल र सचिव नारायणप्रसाद भुसाल (बाबु) ले खनाल दम्पतीको निधनले ढाकाबाङसँगै सिङ्गो समाजलाई नै अतुलनीय क्षति पुगेको बताउनुभयो ।
श्रद्धाञ्जलीसभामा खनाल दम्पतीका नातिसमेत रहेका अर्घाखाँची ढाकाबाङ–रुपन्देही सम्पर्क समाजका सहसचिव टेकराज भुसालले स्मृतिशेष खनाल दम्पतीको जीवनी वाचन गर्नुभएको थियो ।
कार्यक्रममा समाजका पदाधिकारी, कार्यसमिति सदस्य, लेखा समिति, सल्लाहकारलगायत शुभचिन्तकको व्यापक उपस्थिति रहेको थियो ।
