काठमाडौँ । अखिल नेपाल महिला सङ्घकी पूर्व केन्द्रीय सदस्य दमयन्ती देवीको दाहसंस्कार गरिएको छ ।

मधुमेह र मुटुरोगका कारण २०८१ मङ्सिर ८ गते बिहान निधन भएको स्मृतिशेष दमयन्तीको आजै दिउसो राप्ती नदीको बडहरा घाटमा दाहसंस्कार गरिएको हो ।

घाटमा दाहसंस्कारपूर्व राष्ट्रिय जनमोर्चाका केन्द्रीय सदस्य तथा दाङ जिल्ला अध्यक्ष गणेश आचार्यले मृतक दमयन्तीको परिचय र भूमिकाको बारेमा प्रकाश पार्नुभएको थियो ।

त्यसलगत्तै राजमो केन्द्रीय कार्यकारी अध्यक्ष एवम् मृतकका पति रश्मिराज नेपालीले पार्टीको झन्डा ओढाउनुभएको थियो ।

मृतकको सम्मानमा एक मिनेट मौनधारण गरिएपछि दमयन्तीदेवीलाई दागबत्ती दिएको थियो ।

अन्त्येष्टिमा परिवारजन, राजमोका नेताकार्यकर्ताका साथै विभिन्न पार्टीका नेता, जनप्रतिनिधि, सामाजिक अगुवा, इष्टमित्रसहित ठुलो सङ्ख्यामा स्थानीय नागरिकहरूको उपस्थिति थियो ।