काठमाडौँ । प्यालेस्टाइनमा इजरायलद्वारा भइरहेको जनसंहारको विरोध गर्दै नेकपा (मसाल), राष्ट्रिय जनमोर्चा, नेकपा (माओवादी केन्द्र), नेकपा (एकीकृत समाजवादी) सहितका दल तथा साम्राज्यवादी युद्धविरोधी व्यक्तित्वहरूले विरोधपत्र तथा जुलुसहित सभा गर्ने भएका छन् ।
२०८१ कात्तिक २६ गते सोमबार काठमाडौँको शान्तिवाटिकाबाट दिउसो १ बजे जुलुस सुरु हुने छ । सो जुलुस लाजिम्पाटस्थित इजरायली दूतावासनजिक पुगी विरोधसभामा परिणत हुने छ ।
वामपन्थी नेता आनन्द शर्माका अनुसार पहिला इजरायली दूतावासलाई विरोधपत्र बुझाइने छ । त्यसपछि सोही स्थानमा विरोधसभा सम्पन्न गरिने छ ।
उहाँका अनुसार सो विरोधसभामा विभिन्न राजनीतिक दलका नेता तथा युद्धविरोधी व्यक्तित्वहरूले सङ्क्षिप्त मन्तव्य राख्नुहुने छ ।
शर्माले सो कार्यक्रमममा उपस्थित हुन सम्पूर्ण न्यायप्रेमी तथा युद्धविरोधी जनतासित अपिलसमेत गर्नुभएको छ ।
