पुर्तिघाटबजार (गुल्मी) । गुल्मी जिल्ला कालीगण्डकी गाउँपालिका वडा नं. ६ खड्ककोट खमारीपाटा निवासी राष्ट्रिय जनमोर्चाका साधारण सदस्य चन्द्रबहादुर श्रीसको निधन भएको छ ।
लामो समयदेखि दमको समस्याबाट पीडित श्रीसको ७१ वर्षको उमेरमा २०८१ कात्तिक १७ गते शनिबार निधन भएको हो ।
राजमो केन्द्रीय सदस्य तथा राजमो गुल्मीका अध्यक्ष रामकुमार क्षेत्रीले श्रीसको पार्थिव शरीरमा राजमोको झन्डा ओढाउँदै कालीगण्डकीको घुमाउनेघाटमा कात्तिक १८ गते दाहसंस्कार गरिएको छ ।
दाहसंस्कारअघि राजमोका कमल थापाको सञ्चालन तथा अखिल नेपाल युवक सङ्घ कालीगण्डकीका अध्यक्ष मेघराज शर्माको उपस्थितिमा शोकसभा आयोजना गरिएको थियो ।
स्मृतिशेष चन्द्रबहादुरकी पत्नी तुलसी श्रीस, छोराहरू जितबहादुर श्रीस, पूर्णबहादुर श्रीस, टेकबहादुर श्रीस र छोरीहरू माया र विष्णु हुनुहुन्छ ।
जितबहादुर श्रीस राजमो खमारीपाटा गाउँसमितिका सदस्यसमेत हुनुहुन्छ ।
