बुटवल । रुपन्देहीको कञ्चन गाउँपालिकामा राष्ट्रिय जनमोर्चाले २६ बुँदे ज्ञापनपत्र बुझाएको छ ।

राजमो कञ्चनका अध्यक्ष लीलाबल्लभ खनालको नेतृत्वमा २०८१ भदौ २४ गते गएको प्रतिनिधिमण्डलले पालिका अध्यक्षसमक्ष सो ज्ञापन बुझाएको हो ।

प्रतिनिधिमण्डलमा पालिका समितिका उपाध्यक्ष तुलसीराम शर्मा, सचिव झकबहादुर क्षेत्री,कोषाध्यक्ष खोपबहादुर मगर, सहसचिव छविलाल जैसी, सदस्यहरू भूमादेवी खनाल, रामप्रसाद ढुङ्गाना, कोषप्रसाद पौडेल, सन्तबहादुर विक, उमा थापा, चित्रबहादुर क्षेत्री, प्रजापति सापकोटा, चित्रनाथ आचार्य, गोविन्दप्रसाद ढकाल, हेमराज शर्मा, जिल्ला अध्यक्ष टानबहादुर केसी, जिल्ला सल्लाहकार चेतनाथ आचार्य, राजमो नेताहरू टीकाराम पौडेल र इन्द्र ढुङ्गानाको आतिथ्य रहेको थियो ।

ज्ञापनपत्रमा राष्ट्रिय र स्थानीय प्र्रकृतिका २६ ओटा बेग्लाबेग्लै विषय सामेल गरिएका छन् ।