सम्झना पौडेल ##

उपस्थिति पाहुना सँगीसाथी सबैलाई
अखिल नेपाल महिला सङ्घको स्वागत बरिलै

चेलीको पिरव्यथा के सुनाउनु छ र खै ?
दिनदिनै बलात्कार हत्या बरिलै

गर्भबाटै असुरक्षित भएका चेलीलाई
बाच्न पाउने अधिकार छैन बरिलै

रगत र पसिना खोली बगाए पनि
सम्पत्तिमा समान हक छैन वरिलै

बहत्तरको संविधानमा लेखिए पनि
व्यवहारमा कार्यन्वयन भएन बरिलै

समाजमा सबै नारी स्वतन्त्र हुनलाई
गणतन्त्र जोगाउँदै जाम बरिलै

शान्ति र सुरक्षा समानता ल्याउनलाई
नयाँ जनवादी व्यवस्था ल्याम बरिलै

नारीका हक र अधिकार लिनलाई
वर्गीय नातालाई गासम् बरिलै

नारीमाथि गरिएका अन्याय र अत्याचार
जरैबाट उखेलेर फालम् बरिलै

श्रमजीवी नारी जति अब अघि सरेर
कुरीति र कुसंस्कार फेरम् बरिलै

अखिल नेपाल महिला सङ्घको झन्डामुनि बसेर
नयाँ जनवादी क्रान्ति गरम् बरिलै