बागलुङबजार । राष्ट्रिय जनमोर्चाद्वारा २०८१ भदौ १२ गतेदेखि सञ्चालित विशेष सङ्गठनात्मक अभियानअन्तर्गत आज आठौँ दिन भदौ १९ गते बुधबार जैमिनीको बिनामारे र ताराखोलाको घुस्मेलीमा सभा सम्पन्न भएको छ भने ताराखोला गाउँपालिकामा नै ज्ञापनपत्र पनि नबुझाइएको छ ।
टोली नं. २ को कार्यक्रम
“गणतन्त्र र राष्ट्रियताको रक्षा गरौँ, सङ्घीयता खारेज गरौँ” उद्घोषसहित सञ्चालित विशेष सङ्गठनात्मक अभियानअन्तर्गत टोली नं. २ को जैमिनी नगरपालिकाको वडा नं. ५ बिनामारेमा सभा सम्पन्न भएको छ ।
कार्यक्रममा राजमोका पूर्व केन्द्रीय सचिव कृष्ण अधिकारी, केन्द्रीय सदस्य डिलबहादुर दर्जी, राजमो बागलुङका सल्लाहकार तथा जैमिनी नगरपालिका प्रमुख नरबहादुर पुन, राजमो जिल्ला सदस्य ठाकुर शर्मा, अखिल नेपाल किसान महासङ्घ (अप्फा) बागलुङका उपाध्यक्ष होमबहादुर पुन, राजमो नगर सदस्य झलक पुन, गीता विकलगायतले प्रशिक्षणात्मक मन्तव्य दिनुभएको थियो ।
गोपाल पौडेलको अध्यक्षता तथा विष्णु पौडेलको सञ्चालनमा अघि बढेको उक्त कार्यक्रममा उपस्थित जनसमुदायलाई विष्णु थापाले स्वागत गर्नुभएको थियो ।
टोली नं. ४
टोली नं. ४ ले ताराखोला गाउँपालिकाको वडा नं. ३ घुस्मेलीमा सभा सम्पन्न गरेको छ ।
कार्यक्रममा राजमो केन्द्रीय सदस्य बेदीलाल सापकोटा, राजमो बागलुङका सल्लाहकार टङ्क केसीलगायतले शुभकामना मन्तव्य दिनुभएको थियो ।
तीर्थसिंह थापाको अध्यक्षता, खडक विकको सञ्चालन तथा भीम चोखालको स्वागत मन्तव्यसँगै सो कार्यक्रम सम्पन्न भएको थियो ।
ताराखोला गाउँपालिकालाई ज्ञापन
आजै टोली नं. ४ ले राष्ट्रिय तथा स्थानीय समस्याबारे स्थानीय सरकारको ध्यानाकर्षण गराउन ताराखोला गाउँपालिकाका अध्यक्ष धनबहादुर विक ‘हिमाल’ लाई ज्ञापनपत्र बुझाएको छ ।
ज्ञापनपत्र बुझाउने कार्यक्रममा राजमो केन्द्रीय सदस्य बेदीलाल सापकोटा, राजमो बागलुङका सल्लाहकार टङ्क केसी, जिल्ला सदस्यहरू तीर्थसिंह थापा, खड्क विक, राजमो गाउँ समिति सदस्य रामबहादुर खत्री, नरबहादुर थापालगायत रहनुभएको थियो ।
ज्ञापनपत्र बुझेपछि गाउँपालिका अध्यक्ष विकले सोको कार्यान्वयनका तथा सहजीकरणका लागि आवश्यक पहल गर्ने प्रतिबद्धता व्यक्त गर्नुभएको थियो ।
