चेन्नै (भारत) । चेन्नैमा मूल प्रवाह अखिल भारत नेपाली एकता समाजको एरिया सम्मेलन सम्पन्न भएको छ ।
सेप्टेम्बर १, २०२४ का दिन मूल प्रवाह चेन्नै उत्तर नगर समितिअन्तर्गत अल्बरपेट एरिया समितिको पन्ध्रौँ सम्मेलन सम्पन्न भएको हो ।
सम्मेलनको उद्घाटन चेन्नै उत्तर नगर समितिका वरिष्ठ मानबहादुर केसीले तालीको गडगडाहटबिच गर्नुभएको थियो ।
सम्मेलनमा दक्षिण भारत क्षेत्रीय विद्यार्थी विभाग कोषाध्यक्ष मिलन शर्मा, महिला विभागकी मीनाकुमारी केसी, चेन्नै दक्षिण नगर समितिका सदस्य कमल बस्यालको आतिथ्य रहेको थियो ।
सम्मेलनमा दक्षिण भारत क्षेत्रीय समितिका कोषाध्यक्ष लोकेन्द्र पौडेल, चेन्नै दक्षिण नगर समितिका सदस्य कमल बसेल, विद्यार्थी विभाग क्षेत्रीय कोषाध्यक्ष मिलन शर्मा, महिला विभाग मीनाकुमारी केसी, चेन्नै उत्तर नगर समितिका सदस्य धनबहादुर जिएमलगायतले शुभकामना दिनुभएको थियो ।
रवि अधिकारीको अध्यक्षता, कोटिप्रसाद पोख्रेलको सञ्चालन र विष्णुबहादुर थापाक्षेत्रीले स्वागतसँगै सम्मेलनको घोषणासभा सम्पन्न भएको थियो ।
अध्यक्षमा केसी
घोषणासभाको समापनलगत्तै सम्मेलननको बन्दशत्र सुरु भएको थियो । काशीराम शर्माद्वारा प्रस्तुत प्यानल पारित भएपछि कोटिप्रसाद पोखरेलले प्रगति प्रतिवेदन र आर्थिक प्रतिवेदन प्रस्तुत गर्नुभएको थियो ।
सम्मेलनले मानबहादुर केसी अध्यक्ष रहनुभएको ११ पूर्ण, दुई वैकल्पिक र दुई सल्लाहकारसहित १५ जनाको एरिया समितिको घोषणा क्षेत्रीय कोषाध्यक्ष पौडेलले घोषणा गर्नुभएको थियो ।
समितिको उपाध्यक्षमा धनबहादुर जिएम, सचिवमा विष्णबहादुर थापाक्षेत्री, सहसचिवमा पदम गिरी र कोषाध्यक्षमा रवि अधिकारी रहनुभएको छ ।
त्यस्तै, सदस्यमा विष्णुबहादुर सुनार, नेत्रप्रसाद शर्मा, कोटिप्रसाद पोख्रेल, काशीराम शर्मा, गायत्री खड्का र तिलकसिंह केसी रहनुभएको छ ।
समितिको वैकल्पिक सदस्यमा देवी थापाक्षेत्री र वसन्ती खत्री तथा सल्लाहकारमा मीना केसी र सीता शर्मा चयन हुनुभएको छ ।
