जमुना शर्मा ##
दुख र कष्टसँग गर्दै जाऊँ सामना
एकासी साल तिजको शुभकामना
सुन्नुहोला दिदिबहिनी सुन्नुहोला दाजुभाइ
तिज मनाऊँ मूल प्रवाहमा गोलबन्द भई
सङ्गठनको रातो झन्डा हाम्रो अभिमान हो
एकताको सन्देश दिने यसको सान हो
कस्मिरदेखि जगाउँदै पुग्छ कन्याकुमारी
विदेशमा पुगेको छ दुःख नमानी
भारतभरि सङ्गठनको चलिरा’छ धमाका
फुटपरस्तहरूले टाउको समा’का
भारतका गल्लीगल्ली पुग्दै सहरबजार
सात जनाले सुरु गरी लाखौँहजार
चेतनाको दियो बाल्दै निदाएका बस्तीमा
दिनरात नभनेर जान्छन् गस्तीमा
बेचिएका कति चेली उद्धार गरी पठायो
चुनाव आउँदा कार्यकर्ता देशमा खटायो
ज्ञापनपत्र दिन्छ कैले दिल्ली दूतावासमा
लुटपाटको विरोध गर्दै पुग्छ सिमाना
सैद्धान्तिक र व्यावहारिक ज्ञानको ज्योति छरेर
कार्यकर्ता नेताहरू तयार पारेर
मूल प्रवाहको खुराकले राजनीति सिकेर
संसदमा पुगे चेली विचार बोकेर
हातमा हात मिलाउँदै यो झन्डा समाऊँ
नेपालीको एकतालाई दिगो बनाऊँ
