विष्णु शर्मा ##
चाडवाडको नाममा भित्राएर विकिृति
हेर न लालुमै बिगारे संस्कृति
दुई महिना पहिलादेखि भतेर लाग्छ दरको
हेर न लालुमै काम छोडी घरको
परिवारलाई छैन भोकमा खान रातमा निद
हेर न लालुमै छाडा छन् तिजका गीत
अहिलेका कुनै गीत सकिँदैन सुन्न
हेर न लालुमै पर्छ कान थुन्न
नाङ्गा नाच नाची भन्छन् समाज फेर्नी
हेर न लालुमै क्यारी हो हेर्नी
महिलाहरू टिल्ल हुन्छन् गरेर मध्यपान
हेर न लालुमै आफैको अपमान
गहना र कपडा प्रदर्शनी रेलो छ
हेर न लालुमै सकिनी खेलो छ
आधा अङ्ग लुगा लाउन स्वतन्त्रता पा’को रे
हेर न लालुमै नारी युग आ’को रे
पश्चिमा शैली मौलायो स्वतन्त्रताको नाममा
हेर न लालुमै पुइसक्यो गाममा
गाउँसहर उठ्नैपर्छ पाश्चात्य शैली हटाउन
हेर न लालुमै पर्छ यसलाई डाडा कटाउन
महिला हकहितका गीतहरू गाउनी हो
हेर न लालुमै साधा रातो साडी लाउनी हो
स्वास्थ्यलाई लाभ हुने साधा खाना खानी हो
हेर न लालुमै रमाउँदै माइत जानी हो
